ಮಳೆ ಬಂದರೆ ಸಾಕು ರಸ್ತೆಯೇ ‘ಅದೃಶ್ಯ’!!

ಈ ವಾರವಿಡೀ ಮಧ್ಯಾಹ್ನದ ಬಳಿಕ ಸರಿಯಾಗಿ 3 ಗಂಟೆ ವೇಳೆಯಾಗುವ ಹೊತ್ತಿಗೆ ಮಿಂಚು ಸೆಳೆಯುತ್ತದೆ. ಜೊತೆಗೆ ದೊಡ್ಡದಾದ ಗುಡುಗು, ಕೆಲವೆಡೆ ಸಿಡಿಲಿನ ಧ್ವನಿ. ಈಗಾಗಲೇ ಕಳೆದ ಎರಡು ದಿನಗಳಲ್ಲಿ ಬಂಟ್ವಾಳ ತಾಲೂಕಿನ ಎರಡು ಕಡೆಗಳಲ್ಲಿ ಸಿಡಿಲಿನಾಘಾತಕ್ಕೆ ಮನೆಗಳಿಗೆ ಹಾನಿ ಉಂಟಾಗಿದೆ. ಮಂಗಳವಾರ, ಬುಧವಾರ ಒಮ್ಮೆ ಮಳೆ ಸುರಿದು ಒಂದು ಗಂಟೆಯಲ್ಲಿ ಮೊದಲಿನಂತಾದರೆ, ಗುರುವಾರ ಮುಸ್ಸಂಜೆಯಾದರೂ ನಿಲ್ಲುವ ಮನಸ್ಸು ಮಾಡಿಲ್ಲ. ಅಲ್ಲಲ್ಲಿ ಹೂಳೆತ್ತದ ಚರಂಡಿ, ರಸ್ತೆ ಬದಿಯಲ್ಲಿ ಸರಿಯಾದ ವ್ಯವಸ್ಥೆಗಳಿಲ್ಲದೇ ಇರುವ ನಮ್ಮ ಆಡಳಿತಗಳೇ ನಿರ್ಮಿಸಿರುವ ಅವ್ಯವಸ್ಥೆಗಳಿಂದ ಜನಸಾಮಾನ್ಯರು ತೊಂದರೆಗೊಳಗಾಗಬೇಕಾಯಿತು.

ಶಾಲೆ, ಕಾಲೇಜುಗಳನ್ನು ಮುಗಿಸಿ ಮನೆಗೆ ತೆರಳುವ ವಿದ್ಯಾರ್ಥಿ ಸಮೂಹ ಮಳೆಯಿಂದ ತೊಂದರೆಗೊಳಪಟ್ಟರೆ, ಕಚೇರಿ ಮುಗಿಸಿ ಮನೆಗೆ ತೆರಳುವವರಿಗೂ ನಿಲ್ಲದ ಮಳೆ ಕಿರಿಕಿರಿ ಉಂಟುಮಾಡಿತು. ಸರಿಯಾದ ಶೆಲ್ಟರ್ ಇಲ್ಲದ ಬಸ್ ನಿಲ್ದಾಣ, ನಿಲ್ಲಲೂ ಕೂರಲೂ ಆಗದಂಥ ಬಿ.ಸಿ.ರೋಡ್ ನ ಅಲ್ಲಲ್ಲಿ ನಿರ್ಮಿಸಿದ ಖಾಸಗಿ ಸಹಭಾಗಿತ್ವದ ಬಸ್ ಶೆಲ್ಟರ್ ಎಂಬ ಜಾಗ ಸಮಸ್ಯೆಗೆ ಕಾರಣವಾದರೆ, ಸರ್ವೀಸ್ ರಸ್ತೆ ಸಹಿತ ಬಂಟ್ವಾಳ, ಬಿ.ಸಿ.ರೋಡಿನ ವಸತಿ ಬಡಾವಣೆ, ಮುಖ್ಯ ರಸ್ತೆ ಸಹಿತ ಎಲ್ಲೆಲ್ಲಿ ಚರಂಡಿ ಹೂಳೆತ್ತಲಿಲ್ಲವೋ, ಎಲ್ಲೆಲ್ಲಿ ಚರಂಡಿಗಳಿಲ್ಲವೋ ಅಲ್ಲೆಲ್ಲಾ ಕೃತಕ ನೆರೆ ಕಂಡುಬಂತು. ನೇತ್ರಾವತಿ ನದಿ ಉಕ್ಕಿ ಹರಿಯದೇ ಇದ್ದರೂ, ನೀರು ಹರಿದು ಹೋಗಲು ಸರಿಯಾದ ವ್ಯವಸ್ಥೆಗಳಿಲ್ಲದ ಕಾರಣ ಸಣ್ಣ ಮಳೆಯೂ ವ್ಯವಸ್ಥೆಯನ್ನೇ ಏರುಪೇರು ಮಾಡುತ್ತಿದೆ.

www.bantwalnews.com Editor: Harish Mambady For Advertisements Contact: 9448548127

ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ.




  


  

  

Be the first to comment on "ಮಳೆ ಬಂದರೆ ಸಾಕು ರಸ್ತೆಯೇ ‘ಅದೃಶ್ಯ’!!"

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*