ಸೇತುವೆ ತಲುಪುವ ರಸ್ತೆ ಹೇಗಿದೆ ಗೊತ್ತಾ?

ಚಿತ್ರ: ಲಕ್ಷ್ಮಣ್ ಬಲ್ಕಟ್ಟ, ಪೂಜಾ ಸ್ಟುಡಿಯೋ, ಮೇಲ್ಕಾರ್

www.bantwalnews.comಸಂಪಾದಕ: ಹರೀಶ ಮಾಂಬಾಡಿ

ಕಲ್ಲಡ್ಕದಿಂದ ನೆಟ್ಲ ಕಡೆಗೆ ತೆರಳುವ ರಸ್ತೆಯಲ್ಲಿ ಬಲ್ಲೆಕೋಡಿ ಪಕ್ಕ ಇರುವ ರೈಲ್ವೆ ಕೆಳಸೇತುವೆಗೆ ಎರಡೂ ಬದಿಗಳಿಂದ ತಲುಪುವ ರಸ್ತೆಯ ಸಮಸ್ಯೆ ಇದು. ಮಂಗಳವಾರ ಬೆಳಗ್ಗೆ ಬಸ್ಸೊಂದು ಇದೇ ರಸ್ತೆಯ ಹೊಂಡಕ್ಕೆ ಹೂತುಹೋಗಿ ಶಾಲಾ ಮಕ್ಕಳ ಕ್ಲಾಸು ತಪ್ಪಿದರೆ, ವಾಹನ ಸವಾರರು ಪರಿಪಾಡಲು ಪಡಬೇಕಾಯಿತು. ಕಳೆದ ಕೆಲ ದಿನಗಳಿಂದ ಕೆಸರುಮಿಶ್ರಿತ ರಸ್ತೆಯಲ್ಲಿ ಓಡಾಡುವ ಅನಿವಾರ್ಯತೆ ಹಳ್ಳಿ ಜನರಿಗಿದೆ.

ಜಾಹೀರಾತು

ಮೊದಲು ಇದೇ ಜಾಗದಲ್ಲಿ ರೈಲು ಬರುತ್ತದೆ ಎಂದು ಗೇಟ್ ಹಾಕಿ ರಸ್ತೆ ಬ್ಲಾಕ್ ಆಗುತ್ತಿತ್ತು. ಈಗ ರೈಲು ಬಂದರೂ ಸಂಚರಿಸಬಹುದು, ಆದರೆ ಅಲ್ಲಿಗೆ ತೆರಳುವ ರಸ್ತೆಯೇ ಸರಿ ಇಲ್ಲದೆ ವಾಹನ ಸಂಚಾರ ಸ್ಥಗಿತಗೊಳ್ಳುತ್ತಿದೆ!

ಕಲ್ಲಡ್ಕದಿಂದ ವಿಟ್ಲಕ್ಕೆ ತೆರಳುವ ರಸ್ತೆಯ ಕುಂಟಿಪಾಪು ಕ್ರಾಸ್ ಮೂಲಕವಾಗಿ ಬಲಕ್ಕೆ ತಿರುಗಿದರೆ ರೈಲ್ವೆ ಮಾರ್ಗವೊಂದು ಅಡ್ಡಲಾಗಿ ಸಿಗುತ್ತದೆ.  ರೈಲ್ವೆ ಗೇಟ್ ಈಗ ಶಾಶ್ವತವಾಗಿ ಮುಚ್ಚಿದೆ. ಅಲ್ಲಿನ ರಸ್ತೆಯ ಸಂಪರ್ಕವನ್ನೂ ಕಡಿತ ಮಾಡಲಾಗಿದೆ. ಕೆಳಗೆ ರೈಲು ಹೋಗುತ್ತಿದ್ದರೂ ಮೇಲೆ ಸೇತುವೆಯ ಮೂಲಕ ಇತರ ವಾಹನಗಳು ನಿರಾತಂಕವಾಗಿ ಸಾಗಬಹುದು ಎಂಬ ಉದ್ದೇಶದಿಂದ ನಿರ್ಮಿಸಿದ ಸೇತುವೆಯನ್ನು ಚುನಾವಣೆಗೆ ಮುನ್ನ ವಾಹನ ಸಂಚಾರಕ್ಕೆ ಮುಕ್ತ ಮಾಡಲಾಯಿತು. ಆದರೆ ಅಲ್ಲಿಗೆ ತಲುಪಲು ಧೂಳುಮಿಶ್ರಿತ ರಸ್ತೆಯೇ ಗತಿ ಎಂಬಂತಾಯಿತು. ಸಾರ್ವಜನಿಕರು ಇಂದು ಅಥವಾ ನಾಳೆ ಸರಿಯಾಗಬಹುದು ಎಂದು ಅಡ್ಜ್ ಜಸ್ಟ್ ಮಾಡಿಕೊಂಡು ಬರುತ್ತಿದ್ದುದನ್ನು ಜನರೂ ಒಪ್ಪಿಕೊಂಡು ಬಿಟ್ಟಿದ್ದಾರೆ ಎಂದು ಭಾವಿಸಲಾಯಿತೋ ಏನೋ, ಧಾರಾಕಾರ ಮಳೆಗೆ ಕೆಸರುಮಿಶ್ರಿತ ಸಂಪರ್ಕ ರಸ್ತೆಯಲ್ಲಿ ಹೊಂಡಗಳು ಎದ್ದಿವೆ. ವಾಹನ ಸಂಚಾರ ಹಾಗೂ ನಡೆದಾಡಲು ಇಲ್ಲಿ ಪ್ರಯಾಸಪಡುವಂತಾಗಿದೆ. ನೆಟ್ಲ ಶ್ರೀ ನಿಟಿಲಾಕ್ಷ ದೇವಸ್ಥಾನ, ಸಹಿತ ಸಾಲೆತ್ತೂರು, ಬೋಳಂತೂರು, ಬಲ್ಕಟ್ಟ, ಮಂಚಿ ಕಡೆಗಳಿಗೆ ಕಲ್ಲಡ್ಕದಿಂದ ಹೋಗಬೇಕಾದರೆ ಈ ರಸ್ತೆ ಅನುಕೂಲ. ದಿನವೊಂದಕ್ಕೆ ನೂರಾರು ವಾಹನಗಳು ಸಂಚರಿಸುವ ಈ ರಸ್ತೆ ಹೆಸರಿಗಷ್ಟೇ ಹಳ್ಳಿ ರಸ್ತೆ.

ಜಾಹೀರಾತು

ಜಾಹೀರಾತು
ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ
ಜಾಹೀರಾತು

About the Author

Bantwal News
2016 ನವೆಂಬರ್ 10ರಂದು ಆರಂಭಗೊಂಡ ಬಂಟ್ವಾಳದ ಮೊದಲ ವೆಬ್ ಪತ್ರಿಕೆ ಇದು. 25 ಲಕ್ಷಕ್ಕಿಂತಲೂ ಅಧಿಕ ಮಂದಿ ಕೇವಲ 45 ತಿಂಗಳಲ್ಲೇ ಓದಿದ ಜಾಲತಾಣವಿದು. ಸಂಪಾದಕ: ಹರೀಶ ಮಾಂಬಾಡಿ. ಬ್ರೇಕಿಂಗ್ ನ್ಯೂಸ್ ಧಾವಂತದಲ್ಲಿ ಅವಸರದ ಸುದ್ದಿ ಕೊಡದೆ, ಮಾಹಿತಿ ಖಚಿತಗೊಂಡ ಬಳಿಕವಷ್ಟೇ ಪ್ರಕಟಿಸಲಾಗುತ್ತದೆ. ಅತಿರಂಜಿತ ಸುದ್ದಿ ಇಲ್ಲಿಲ್ಲ. ಇದು www.bantwalnews.com ಧ್ಯೇಯ.

Be the first to comment on "ಸೇತುವೆ ತಲುಪುವ ರಸ್ತೆ ಹೇಗಿದೆ ಗೊತ್ತಾ?"

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*