ಬಂಟ್ವಾಳ ಅಗ್ರಾರ್ ನಲ್ಲಿರುವ ಹೋಲಿ ಸೇವಿಯರ್ ಆಂಗ್ಲ ಮಾಧ್ಯಮ ಶಾಲೆ ಸತತ ಮೂರನೇ ಬಾರಿ ಶೇ.100 ಫಲಿತಾಂಶವನ್ನು ಎಸ್.ಎಸ್.ಎಲ್.ಸಿ. ಪರೀಕ್ಷೆಯಲ್ಲಿ ದಾಖಲಿಸುವ ಮೂಲಕ ಹ್ಯಾಟ್ರಿಕ್ ಸಾಧಿಸಿದೆ.
ಶಾಲೆ ಆರಂಭವಾದಂದಿನಿಂತಲೂ ಫಲಿತಾಂಶ ಶೇ.100 ಲಭಿಸುತ್ತಿದೆ. ಈ ಬಾರಿ ಏಳು ಮಂದಿ ಡಿಸ್ಟಿಂಕ್ಷನ್, 14 ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದರೆ, ನಾಲ್ವರು ದ್ವಿತೀಯ ದರ್ಜೆಯಲ್ಲಿ ತೇರ್ಗಡೆ ಹೊಂದಿದ್ದಾರೆ. ಫಿವಾನ್ ಲೀಜರ್ ಡಿಸೋಜ 612 ಅಂಕ (ಶೇ.97.92) ಗಳಿಸುವ ಮೂಲಕ ಶಾಲೆಗೆ ಪ್ರಥಮ ಸ್ಥಾನಿಯಾಗಿದ್ದಾನೆ. ಸ್ವೀಡ್ಲ್ ವಿವಾ ರೋಡ್ರಿಗಸ್ 598 ಅಂಕ (ಶೇ.95.68) ಮತ್ತು ಪ್ರಾರ್ಥನಾ ಜೆ. ಶೆಟ್ಟಿ 581 (ಶೇ.92.96) ಅಂಕ ಗಳಿಸಿದ್ದಾರೆ. ಉತ್ತಮ ಸಾಧನೆ ತೋರಿ ತೇರ್ಗಡೆಯಾದ ಎಲ್ಲ ವಿದ್ಯಾರ್ಥಿಗಳಿಗೆ ಶಾಲಾ ಸಂಚಾಲಕ ಫಾ. ಗ್ರೆಗರಿ ಡಿಸೋಜ,, ಆಡಳಿತ ಸಮಿತಿ, ಮುಖ್ಯೋಪಾಧ್ಯಾಯರು, ಶಿಕ್ಷಕ, ಶಿಕ್ಷಕೇತರ ಸಿಬ್ಬಂದಿ ಹಾಗೂ ಶಿಕ್ಷಕ ರಕ್ಷಕ ಸಮಿತಿ ಸದಸ್ಯರು ಅಭಿನಂದನೆ ಸಲ್ಲಿಸಿದ್ದಾರೆ.
Be the first to comment on "ಹೋಲಿ ಸೇವಿಯರ್ ಆಂಗ್ಲ ಮಾಧ್ಯಮ ಶಾಲೆ ಅಗ್ರಾರ್ ಗೆ ಶೇ.100 ಫಲಿತಾಂಶ"