ಬಂಟ್ವಾಳ ಪುರಸಭೆಯಲ್ಲಿ ಇ-ಆಡಳಿತಕ್ಕೆ ಚಾಲನೆ

ಬಂಟ್ವಾಳ ಪುರಸಭೆಯಲ್ಲಿ ಇದೀಗ ಇ ಆಡಳಿತ ಪ್ರಕ್ರಿಯೆಗೆ ನಾಂದಿ ಹಾಡಲಾಗಿದೆ.  ಬಂಟ್ವಾಳ ಪುರಸಭೆಯಲ್ಲಿ ಕಟ್ಟಡ ಪರವಾನಿಗೆ ಪ್ರಕ್ರಿಯೆಯನ್ನು ಇ–ಆಡಳಿತ ವ್ಯವಸ್ಥೆಯಂತೆ ನಿರ್ಮಾಣ-2ರಲ್ಲಿ ಮಾಡಲು ಎಲ್ಲಾ ನೊಂದಾಯಿತ ವಾಸ್ತುಶಿಲ್ಪಿ/ಅಭಿಯಂತರರುಗಳಿಗೆ ಸಂಬಂಧಪಟ್ಟ ಸಿಬ್ಬಂದಿಗಳಿಗೆ ತರಬೇತಿ ನೀಡಲಾಗಿದ್ದು, ಅದರಂತೆ ಬಂಟ್ವಾಳ ಪುರಸಭೆಯ ನೊಂದಾಯಿತ ಇಂಜಿನಿಯರ್ ಸತೀಶ್ ಕುಲಾಲ್ ಇವರ ತಂತ್ರಾಂಶದ ಮೂಲಕ ಬಿಮೂಡ ಗ್ರಾಮದ ಸ. ನಂ. 295-3ಎ ರಲ್ಲಿ ಮಹೇಶ್ ಭಟ್ ಅಗ್ರಬೈಲು ಬಿಮೂಡ ಇವರಿಗೆ ಪ್ರಥಮವಾಗಿ ಇ–ಆಡಳಿತ ವ್ಯವಸ್ಥೆಯಂತೆ ಕಟ್ಟಡ ಪರವಾನಿಗೆಯನ್ನು ಪುರಸಭಾ ಮುಖ್ಯಾಧಿಕಾರಿ ಲೀನಾ ಬ್ರಿಟ್ಟೋ ಮತ್ತು ಕಿರಿಯ ಅಭಿಯಂತರರಾದ ಡೊಮಿನಿಕ್ ಡಿಮೆಲ್ಲೋ ಸಂಬಂಧಪಟ್ಟ ಸಿಬ್ಬಂದಿಗಳ ಮುಖಾಂತರ ಮಾ.12 ದಿನಾಂಕ ರಂದು ಹಸ್ತಾಂತರಿಸಿದರು.

ಈ ಸಂದರ್ಭ ಮ್ಯಾನೇಜರ್ ಲೀಲಾವತಿ, ಸಿಬ್ಬಂದಿ ರಝಾಕ್  ಮತ್ತಿತರರು ಉಪಸ್ಥಿತರಿದ್ದರು. ಕರ್ನಾಟಕ ರಾಜ್ಯ ಸರಕಾರವು ಇ–ಆಡಳಿತ ವ್ಯವಸ್ಥೆಯಂತೆ ಕಾಗದ ರಹಿತ ಆಡಳಿತ ಜಾರಿಗೊಳಿಸಲು ಮುಂದಾಗಿದ್ದು, ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಈ ಕ್ರಮವನ್ನು ಈಗಾಗಲೇ ಜಾರಿಗೊಳಿಸಲಾಗಿದೆ.

ಜಾಹೀರಾತು

ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ

ಜಾಹೀರಾತು