ಅರಣ್ಯ ಇಲಾಖೆ ವತಿಯಿಂದ ಚಿಣ್ಣರ ವನದರ್ಶನ

ಬಂಟ್ವಾಳ ಅರಣ್ಯ ಇಲಾಖೆ ವತಿಯಿಂದ ಪಂಜಿಕಲ್ಲು ಶಾಲಾ ಮಕ್ಕಳಿಗಾಗಿ ಚಿಣ್ಣರ ವನದರ್ಶನ ಕಾರ್ಯಕ್ರಮ ನಡೆಯಿತು. ವಲಯಾರಣ್ಯಾಧಿಕಾರಿ ಬಿ.ಸುರೇಶ್ ನೇತೃತ್ವದಲ್ಲಿ ಶಾಲಾ ಶಿಕ್ಷಕರಾದ ಸದಾನಂದ, ಇಮ್ತಿಯಾಜ್, ಕೃಷ್ಣವೇಣಿ, ಉಪವಲಯ ಅರಣ್ಯಾಧಿಕಾರಿ ಅನಿಲ್ ಕೆ, ಅರಣ್ಯರಕ್ಷಕಿ ಸ್ಮಿತಾ, ಅರಣ್ಯ ರಕ್ಷಕ ರವಿಕುಮಾರ್, ಅರಣ್ಯವೀಕ್ಷಕಿ ಅನಿತಾ ಸಹಯೋಗದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕುದುರೆಮುಖ ಸಹಿತ ಹಲವೆಡೆ ವಿದ್ಯಾರ್ಥಿಗಳು ಚಾರಣ ನಡೆಸಿದರು.

ವಲಯಾರಣ್ಯಾಧಿಕಾರಿ ಕಚೇರಿ ಭೇಟಿ, ಉಪ್ಪಿನಂಗಡಿ ವಲಯ ಮಣ್ಣುಗುಂಡಿ ನಾಟಿ ಸಂಗ್ರಹಾಲಯ ಸಹಿತ ಅರಣ್ಯಕ್ಕೆ ಸಂಬಂಧಿಸಿ ಹಲವು ವಿಚಾರಗಳನ್ನು ವಿದ್ಯಾರ್ಥಿಗಳಿಗೆ ತಿಳಿಸಲಾಯಿತು. ಸಸ್ಯಶಾಸ್ತ್ರ ಪ್ರಾಧ್ಯಾಪಕ ಡಾ. ವಿನಾಯಕ್ ಜೀವವೈವಿಧ್ಯ ಮಾಹಿತಿ ನೀಡಿದರು.

www.bantwalnews.com ಸಂಪಾದಕ: ಹರೀಶ ಮಾಂಬಾಡಿ. ದೂರವಾಣಿ: 9448548127