ನಕಲಿ ಮತದಾನಕ್ಕೆಯತ್ನ: ಇಬ್ಬರು ಪೊಲೀಸ್ ವಶಕ್ಕೆ

ಬಂಟ್ವಾಳ ಮತಗಟ್ಟೆಯೊಂದರಲ್ಲಿ ನಕಲಿ ಮತದಾನವನ್ನು ಮಾಡಲು ಯತ್ನಿಸಿದ ಇಬ್ಬರನ್ನು ಮತಗಟ್ಟೆ ಅಧಿಕಾರಿಗಳು ಪತ್ತೆಹಚ್ಚಿ ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಮತಗಟ್ಟೆ ಸಂಖ್ಯೆ ೫೯ರ  ಅಗ್ರಾರ್ ಚರ್ಚ್ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಘಟನೆ ನಡೆದಿದೆ. ಸಂಜೆ ೫.೩೦ಕ್ಕೆ  ಆಸಾಮ್ ರಾಜ್ಯದ ಶಾಂತಿನಗರ ಜಿಲ್ಲೆ ಗೋಂಪುರದ ಜೋಸನ್ ಚಂಗಾ (20) ಮತ್ತು ಅದೇ ರಾಜ್ಯದ ಅಜಯ್ ಲಾಕ್ರ (26) ಅವರು ವಿದೇಶದಲ್ಲಿರುವ ಅಗ್ರಾರ್ ನ ಇಬ್ಬರು ನಿವಾಸಿಗಳ ಹೆಸರಲ್ಲಿ ಮತ ಹಾಕಲು ತೆರಳಿದ್ದರು. ಈ ಸಂದರ್ಭ ಪರಿಶೀಲನೆ ನಡೆಸಿದಾಗ ನಕಲಿ ಮತದಾನಕ್ಕೆ  ಯತ್ನಿಸಿದ್ದು ಕಂಡುಬಂದಿದ್ದು, ಅವರನ್ನು ಬಂಟ್ವಾಳ ನಗರ ಠಾಣೆಯ ಪೊಲೀಸರಿಗೆ ಒಪ್ಪಿಸಲಾಯಿತು.

ಜಾಹೀರಾತು

ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ

ಜಾಹೀರಾತು