ವಿಟ್ಲದಲ್ಲಿ ಪ್ರತ್ಯಕ್ಷಗೊಂಡ 2 ಸಾವಿರ ರೂ. ನಕಲಿ ನೋಟು

note2

ವಿಟ್ಲ: 2000 ರೂಪಾಯಿ ಮುಖಬೆಲೆಯ ಕಲರ್ ಝೆರಾಕ್ಸ್ ಪ್ರತಿ ವಿಟ್ಲ ಸಮೀಪದ ಕೂಲಿ ಕಾರ್ಮಿಕರೊಬ್ಬರ ಕೈಸೇರಿದೆ. ಈ ಬಗ್ಗೆ ವಿಟ್ಲ ಪೊಲೀಸರಿಗೆ ದೂರು ನೀಡಲಾಗಿದೆ. ಇದರೊಂದಿಗೆ ಹೊಸ ನೋಟಿನ ನಕಲುಗಳು ಚಲಾವಣೆಯಾಗುತ್ತಿರುವ ದಂಧೆಯೊಂದು ನಡೆಯುತ್ತಿರುವ ಬಗ್ಗೆ ಅನುಮಾನ ವ್ಯಕ್ತವಾಗಿದೆ.

ಪುಣಚ ಗ್ರಾಮದ ಎರ್ಮೆತೊಟ್ಟು ನಿವಾಸಿ ಕೃಷ್ಣಪ್ಪ ಸೋಮವಾರ ವಿಟ್ಲದ ಫೈನಾನ್ಸ್ ಒಂದಕ್ಕೆ ತೆರಳಿ ಉಂಗುರ ಅಡವಿಟ್ಟು 2000 ಮುಖಬೆಲೆಯ ನೋಟು ಪಡೆದಿದ್ದರು. ಅದಾದ ನಂತರ ಅವರು ವಿಟ್ಲದ ಪೆಟ್ರೋಲ್ ಪಂಪ್ ನಲ್ಲಿ ಚಿಲ್ಲರೆ ಕೇಳಿದರು. ಅಲ್ಲಿ ಸಿಗಲಿಲ್ಲ, ಬಳಿಕ ಪುಣಚ ಪೆಟ್ರೋಲ್ ಪಂಪ್ ನಲ್ಲಿ ಚಿಲ್ಲರೆ ಕೇಳಿದಾಗಲೂ ದೊರಕಲಿಲ್ಲ. ಪುಣಚದಲ್ಲಿರುವ ಎಂಎಸ್ ಐಎಲ್ ಮದ್ಯದಂಗಡಿಗೆ ತೆರಳಿ ಅಲ್ಲಿ ಮದ್ಯ ಖರೀದಿಸಿದರು .

ಜಾಹೀರಾತು

ಅಲ್ಲಿಂದ ಮನೆಗೆ ಹಿಂತಿರುಗುತ್ತಿದ್ದ ಸಂದರ್ಭ, ಬೈಕಿನಲ್ಲಿ ಬಂದ ಇಬ್ಬರು ಮದ್ಯದಂಗಡಿ ಸಿಬ್ಬಂದಿ, ನೀವು ಕೊಟ್ಟ 2 ಸಾವಿರ ರೂ ನೋಟು ನಕಲಿಯಾಗಿದೆ ಎಂದು ಹೇಳಿ ಅದನ್ನು ಹಿಂದಿರುಗಿಸಿ ಮದ್ಯವನ್ನು ವಾಪಸ್ ಪಡೆದರು.

ಕೃಷ್ಣಪ್ಪ ಅವರು ಕಕ್ಕಾಬಿಕ್ಕಿಯಾದಾಗ, ಮದ್ಯದಂಗಡಿಯವರೇ ಖರ್ಚಿಗೆ ಹಣ ನೀಡಿ, ನೋಟು ಬದಲಾಯಿಸಲು ಸಲಹೆ ನೀಡಿದರು. ಅದಾದ ಬಳಿಕ ಕೃಷ್ಣಪ್ಪ, ಫೈನಾನ್ಸ್ ಗೆ ತೆರಳಿ, ವಿಚಾರಿಸಿದರು. ಆಗ ಫೈನಾನ್ಸ್ ನವರು ನಾವು ನೋಟನ್ನು ರಾಷ್ಟ್ರೀಕೃತ ಬ್ಯಾಂಕಿಂದ ಪಡೆದಿದ್ದೇವೆ. ನಮ್ಮಲ್ಲಿ ನಕಲಿ ನೋಟು ಬರಲು ಸಾಧ್ಯವೇ ಇಲ್ಲ ಎಂದರು.

ಇದರಿಂದ ಮತ್ತೆ ಆತಂಕಕ್ಕೊಳಗಾದ ಕೃಷ್ಣಪ್ಪ, ವಿಟ್ಲದ ಸಾರ್ವಜನಿಕರ ಸಹಾಯದೊಂದಿಗೆ ಪೊಲೀಸರಿಗೆ ಮಾಹಿತಿ ನೀಡಿದರು.

ಜಾಹೀರಾತು

ವಿಟ್ಲ ಎಸೈ ಪ್ರಕಾಶ್ ದೇವಾಡಿಗ ಅವರೂ ಕೂಡಾ ಫೈನಾನ್ಸ್‌ನ ಸಿಸಿ ಕ್ಯಾಮಾರವನ್ನು ಪರಿಶೀಲಿಸಿದ್ದಾರೆ.

ನಕಲಿ ನೋಟುಗಳ ದೊಡ್ಡ ದಂಧೆ ವಿಟ್ಲದಲ್ಲಿ ಕಾರ್ಯಾಚರಣೆ ನಡೆಸುತ್ತಿರುವ ಶಂಕೆ ವ್ಯಕ್ತವಾಗಿದ್ದು ಸೂಕ್ತ ತನಿಖೆಗೆ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

ಜಾಹೀರಾತು
ಜಾಹೀರಾತು
ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ
ಜಾಹೀರಾತು

About the Author

Bantwal News
2016 ನವೆಂಬರ್ 10ರಂದು ಆರಂಭಗೊಂಡ ಬಂಟ್ವಾಳದ ಮೊದಲ ವೆಬ್ ಪತ್ರಿಕೆ ಇದು. 25 ಲಕ್ಷಕ್ಕಿಂತಲೂ ಅಧಿಕ ಮಂದಿ ಕೇವಲ 45 ತಿಂಗಳಲ್ಲೇ ಓದಿದ ಜಾಲತಾಣವಿದು. ಸಂಪಾದಕ: ಹರೀಶ ಮಾಂಬಾಡಿ. ಬ್ರೇಕಿಂಗ್ ನ್ಯೂಸ್ ಧಾವಂತದಲ್ಲಿ ಅವಸರದ ಸುದ್ದಿ ಕೊಡದೆ, ಮಾಹಿತಿ ಖಚಿತಗೊಂಡ ಬಳಿಕವಷ್ಟೇ ಪ್ರಕಟಿಸಲಾಗುತ್ತದೆ. ಅತಿರಂಜಿತ ಸುದ್ದಿ ಇಲ್ಲಿಲ್ಲ. ಇದು www.bantwalnews.com ಧ್ಯೇಯ.

Be the first to comment on "ವಿಟ್ಲದಲ್ಲಿ ಪ್ರತ್ಯಕ್ಷಗೊಂಡ 2 ಸಾವಿರ ರೂ. ನಕಲಿ ನೋಟು"

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*