GOVT SCHOOL PROBLEM: ಬಿ.ಮೂಡ ಅಜ್ಜಿಬೆಟ್ಟು ಶಾಲೆಯ ಕಂಪೌಂಡ್ ಈಗಲೋ ಆಗಲೋ ಬೀಳುವಂತಿದೆ, ದುರಸ್ತಿ ಯಾವಾಗ?

filter: 0; fileterIntensity: 0.0; filterMask: 0; module: a; hw-remosaic: 0; touch: (-1.0, -1.0); modeInfo: ; sceneMode: Hdr; cct_value: 0; AI_Scene: (-1, -1); aec_lux: 208.16937; hist255: 0.0; hist252~255: 0.0; hist0~15: 0.0;

ಯಾದವ ಕುಲಾಲ್, ಅಗ್ರಬೈಲು

ಜಾಹೀರಾತು

ಬರೆಹ: ಯಾದವ ಕುಲಾಲ್ ಅಗ್ರಬೈಲು

ಕಂಪೌಂಡ್ ಕಲ್ಲುಗಳೇ ಹೇಳ್ತಿವೆ… ನಾವು ಯಾವ ಕ್ಷಣವಾದ್ರೂ ಬೀಳ್ಬಹುದು ಅಂತ!! ಬಿ.ಸಿ.ರೋಡ್ ನ ಬಿ.ಮೂಡ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಗೇಟು-ಕಂಪೌಂಡ್ ದುರಸ್ತಿಗೆ ಕಾಯುತ್ತಿದೆ

ಈ ಕಂಪೌಂಡ್ ಚಿತ್ರಗಳೇ ಹೇಳ್ತವೆ. ಗಟ್ಟಿ ಇದೆಯೇ, ಇಲ್ಲವೇ? ಯಾವ ಕ್ಷಣದಲ್ಲಾದರೂ ಬೀಳುವಂತಿದೆ ಎಂಬಂತಿರುವ ಈ ಆವರಣಗೋಡೆ ಇರುವುದು ಬಿ.ಸಿ.ರೋಡ್ ಅಜ್ಜಿಬೆಟ್ಟಿನಲ್ಲಿರುವ ಬಿ.ಮೂಡ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ.

ವರ್ಷದ ಹಿಂದೆ ಇದರ ಕಲ್ಲುಗಳು ಕುಸಿಯಲು ಆರಂಭಿಸಿದವು. ಶಾಲೆಯ ವತಿಯಿಂದ ಆ ಸಂದರ್ಭವೇ ಸಂಬಂಧಪಟ್ಟ ಇಲಾಖೆಗೆ ಮನವಿಗಳು ಹೋದವು. ಆದರೆ ಇನ್ನೂ ಕಂಪೌಂಡ್ ರಿಪೇರಿಯಾಗಿಲ್ಲ. ಇತ್ತೀಚೆಗೆ ಉಳ್ಳಾಲ ತಾಲೂಕಿನ ನ್ಯೂಪಡ್ಪು ಶಾಲೆಯ ಗೇಟ್ ಶಿಥಿಲ ಆವರಣಗೋಡೆ ಕುಸಿದು ಆದ ಅನಾಹುತಗಳು ಗೊತ್ತೇ ಇದೆಯಲ್ಲ, ಥೇಟ್ ಅಂಥದ್ದೇ ಪರಿಸ್ಥಿತಿ ಬಿ.ಮೂಡ ಸರಕಾರಿ ಶಾಲೆಯಲ್ಲಿದೆ.

ಈಗಾಗಲೇ ಶಾಲಾಭಿವೃದ್ಧಿ ಸಮಿತಿ ದಾನಿಗಳ ನೆರವಿನ ಜೊತೆಗೆ ಸಾಕಷ್ಟು ಕಾರ್ಯಯೋಜನೆಗಳನ್ನು ಕೈಗೊಂಡಿದ್ದು, ಮಕ್ಕಳಿಗೆ ಉಚಿತ ಕಂಪ್ಯೂಟರ್ ಶಿಕ್ಷಣವನ್ನು ಒಂದನೇ ತರಗತಿಯಿಂದಲೇ ಆರಂಭಿಸುತ್ತಿದೆ. ಇಷ್ಟೆಲ್ಲಾ ದಾನಿಗಳ ನೆರವು, ಶಾಲಾಭಿವೃದ್ಧಿ ಸಮಿತಿ, ಶಿಕ್ಷಕರ ಪರಿಶ್ರಮದಿಂದ ನಡೆಯುತ್ತಾ ಇರುವ ಹೊತ್ತಿನಲ್ಲೇ, ಶಾಲೆ ಪ್ರಗತಿಯ ಹಾದಿಯಲ್ಲಿ ಸಾಗುವ ಸಂದರ್ಭ, ಸಂಬಂಧಪಟ್ಟ ಇಲಾಖೆಗಳು ಕಂಪೌಂಡ್ ದುರಸ್ತಿ ಮಾಡಲು ಮೀನ ಮೇಷ ಮಾಡುವುದು ಸರಿಯಲ್ಲ.

ಅಲ್ಲದೆ, ಮಕ್ಕಳ ಶೌಚಾಲಯವೂ ಶಾಲೆಯ ಕಟ್ಟಡಕ್ಕಿಂತ ದೂರ ಇದ್ದು, ಇದರ ಸನಿಹವೇ ಕಂಪೌಂಡ್ ಇದೆ. ಹಾಗೆ ನೋಡಿದರೆ, ಶೌಚಾಲಯವೂ ಅಷ್ಟೊಂದು ಸಮಪರ್ಕ ವ್ಯವಸ್ಥೆಯಲ್ಲಿಲ್ಲ. ಸಣ್ಣ ಮಕ್ಕಳಿಗೆ ಪ್ರತ್ಯೇಕ ಶೌಚಾಲಯವೂ ಬೇಕು ಎಂಬುದು ಬೇಡಿಕೆ ಪಟ್ಟಿಯಲ್ಲಿದೆ.

ಮಳೆಗಾಲದಲ್ಲಿ ಮಕ್ಕಳು ಈ ಶೌಚಾಲಯಕ್ಕೆ ತೆರಳಲು ಪ್ರಯಾಸಪಡುತ್ತಿದ್ದು, ಶಾಲಾ ಕಟ್ಟಡದ ಸನಿಹವೇ ಕಿರಿಯ ಮಕ್ಕಳಿಗೆ ಪ್ರತ್ಯೇಕ ಶೌಚಾಲಯದ ಅವಶ್ಯಕತೆ ಇದೆ. ಅಷ್ಟೇ ಅಲ್ಲದೇ ಶಾಲೆಯ ಬಿಸಿಯೂಟದ ಕೊಠಡಿಯ ಕೆಳಗಿನ ಭಾಗವೂ ಅಪಾಯಕಾರಿಯಾಗಿದ್ದು, ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳಬೇಕಾಗಿದೆ. ಈ ಕುರಿತು ಸಂಬಂಧಪಟ್ಟ ಇಲಾಖೆ ಗಮನಹರಿಸಬೇಕು ಎಂದು ಶಾಲಾಭಿವೃದ್ಧಿ ಸಮಿತಿ, ಶಿಕ್ಷಕರು, ಹಳೇ ವಿದ್ಯಾರ್ಥಿಗಳು ಒತ್ತಾಯಿಸಿದ್ದಾರೆ

ಜಾಹೀರಾತು

Harish Mambady

ಸುಮಾರು 27 ವರ್ಷಗಳ ಕಾಲ ಮುದ್ರಣ ಮಾಧ್ಯಮ ಹಾಗೂ ಡಿಜಿಟಲ್ ಮಾಧ್ಯಮದಲ್ಲಿ ಅನುಭವವಿರುವ ಪತ್ರಕರ್ತ ಹರೀಶ ಮಾಂಬಾಡಿ 2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಕುರಿತು ದೈನಂದಿನ ಸುದ್ದಿ ನೀಡುವ ಮೊದಲ ವೆಬ್ ಪತ್ರಿಕೆ ಇದು. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಪ್ರಸ್ತುತ 10ನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. ವಿ.ಸೂ: ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟವಾಗುವ ಲೇಖನ ಹಾಗೂ ಜಾಹೀರಾತುಗಳಿಗೆ ಸಂಬಂಧಪಟ್ಟವರೇ ಹೊಣೆಗಾರರಾಗುತ್ತಾರೆ. ಅದಕ್ಕೂ ಬಂಟ್ವಾಳನ್ಯೂಸ್ ಗೂ ಸಂಬಂಧವಿರುವುದಿಲ್ಲ. --- ಹರೀಶ ಮಾಂಬಾಡಿ, ಸಂಪಾದಕNOTE: : All opinions regarding the articles published in bantwalnews and the related topic are those of the author, and this has no relation to BantwalNews. Recommendations and suggestions provided here are left for the readers' consideration.