ತಾಲೂಕು ಆಫೀಸ್ ನಲ್ಲಿ RTC ಪಡೆಯಲು ಸಾಲು ನಿಲ್ಲುವ ಮೊದಲು ಇದನ್ನು ಓದಿ..

ಬರೆದವರು: ನಿತೇಶ ಕೆ.

ಸಾಮಾನ್ಯವಾಗಿ ಜಾಗ ಮಾರಾಟ ಮಾಡಲು ಹೊರಟಾಗ ಅಥವಾ ಯಾವುದಾದರೂ ಸರ್ಕಾರಿ ಯೋಜನೆಗೆ ಅರ್ಜಿ ಹಾಕುವಾಗ RTCಯನ್ನು ಕೇಳುತ್ತಾರೆ. ಹಳ್ಳಿಯ ಜನ ಹತ್ತಾರು ಕಿಲೋಮೀಟರ್ ದೂರ ತಾಲೂಕು ಕಚೇರಿಗೆ ಬಂದು ನಾಡ ಕಚೇರಿ ಮುಂದೆ ಸಾಲು ನಿಲ್ಲುವುದು ಸಾಮಾನ್ಯ. ಕೆಲವೊಮ್ಮೆ ಅವರಿಗೆ ಸರ್ವೇ ನಂಬರ್ ಆಗಲಿ ಅಥವಾ ಹಿಸ್ಸಾ ನಂಬರ್ ಗೊತ್ತೇ ಇರಲ್ಲ. ಸಾಲು ನಿಂತು ಪರದಾಡುವ ಬದಲು ನಿಮ್ಮ ಮೊಬೈಲ್ ನಲ್ಲೇ ನಿಮ್ಮ RTC ಕನ್ಫರ್ಮ್ ಮಾಡ್ಕೊಳ್ಳಿ.. ಹಾಗೆಯೇ ಜಾಗ ಖರೀದಿ ಮಾಡುವವರೂ ಅಷ್ಟೇ. ಅದೆಲ್ಲೋ ಹೋಗಿ ಸರ್ಕಾರಿ ಜಾಗಕ್ಕೆ ದುಡ್ಡು ಕೊಟ್ಟು ಮೋಸ ಹೋಗುವ ಮೊದಲು ಈ ಮಾಹಿತಿ ನೋಡಿ..

ಭೂ ಮಾಪನ, ಕಂದಾಯ ವ್ಯವಸ್ಥೆ ಮತ್ತ್ತು ಭೂ ದಾಖಲೆಗಳ ಇಲಾಖೆ DISHANK ಎಂಬ ಅಪ್ ಬಿಡುಗಡೆ ಮಾಡಿದೆ. ಇದು ಆಂಡ್ರಾಯ್ಡ್ ಮತ್ತು ಐ ಓಸ್ ನಲ್ಲಿ ಉಚಿತವಾಗಿ ಡೌನ್‌ಲೋಡ್ ಮಾಡಬಹುದು. ಇನ್‌ಸ್ಟಾಲ್ ಮಾಡಿ ಓಪನ್ ಮಾಡಿದಾಗ ನಿಮ್ಮ GPS ಆನ್ ಮಾಡಿ. ಹಾಗೆ ಲೋಕೇಶನ್ ಸೆಟ್ಟಿಂಗ್ಸ್ ಕೇಳಿದರೆ ಅದಕ್ಕೂ ಅನುಮತಿ ಕೊಡಿ. ನಿಮ್ಮ ಲೋಕೇಶನ್ ಆನ್ ಆಗಿದ್ದರೆ ನೀವು ನಿಂತಿರುವ ಜಾಗದ ಸರ್ವೇ ನಂಬರ್ ಮತ್ತು ಅದರ ಬಾರ್ಡರ್ ಅನ್ನು ನೀವು ಗುರುತಿಸಬಹುದು. ಬಲ ಭಾಗದ ಮಧ್ಯದಲ್ಲಿ ಮೊದಲ ಮೆನೂ ಆಯ್ಕೆ ಮಾಡಿದರೆ ಮಾಪ್ಸ್ ಆಪ್ಶನ್ ಸಿಗುತ್ತದೆ. ಅದರಲ್ಲಿ ESRI satellite map ಆಯ್ಕೆ ಮಾಡಿದರೆ ನೀವು ಗೂಗಲ್ ಮ್ಯಾಪ್ ಸರಿಯಾಗಿ ನೋಡಬಹುದು. ಹಾಗೆಯೇ ನಿಮಗೆ ಸರ್ವೇ ಕಲ್ಲಿನ ಬಗ್ಗೆ ಅನುಮಾನ ಇದ್ದರೆ ನೀವು ಅದನ್ನೂ ಗುರುತು ಹಿಡಿಯಬಹುದು. ನೀವು ಮೂವ್ ಆದ ಹಾಗೆ gps ಮಾರ್ಕರ್ ಬದಲಾಗಿ ನಿಮ್ಮ ಸರ್ವೇ ನಂಬರ್ ಬಾರ್ಡರ್ ಕಂಡು ಹಿಡಿಯಬಹುದು.
ಜೊತೆಗೆ ನಿಮ್ಮ ಪಕ್ಕದ ಜಮೀನಿನ ಸರ್ವೇ ನಂಬರ್ ಕೂಡ ಸುಲಭವಾಗಿ ಕಂಡು ಹಿಡಿಯಬಹುದು.

ಜಾಹೀರಾತು

ಹಾಗೆಯೇ ನಿಮ್ಮ ಕೆಳ ಭಾಗದಲ್ಲಿ ಎಡಕ್ಕೆ measurement tools ಆಯ್ಕೆ ಒತ್ತಿ ನಿಮ್ಮ ಜಾಗವನ್ನು ಗುರುತು ಮಾಡಿದರೆ ನಿಮ್ಮ ಜಾಗದ ಅಂದಾಜು ವಿಸ್ತೀರ್ಣ ವನ್ನು ಕಂಡು ಹಿಡಿಯಬಹುದು. ಗೂಗಲ್ ಮ್ಯಾಪ್ ಜ಼ೂಮ್ ಅಷ್ಟೊಂದು ಚೆನ್ನಾಗಿಲ್ಲದ ಕಾರಣ ಅಳತೆ ಅಷ್ಟು ನಿಖರತೆ ಇರುವುದಿಲ್ಲ ಹಾಗೂ ಇಲ್ಲಿ ಸೆಂಟ್ಸ್ ಎಕರೆ ಅಳತೆ ಕೊಟ್ಟಿಲ್ಲ. ನಿಮಗೆ ಸ್ಕ್ವೇರ್ ಮೀಟರ್ ಅಥವಾ ಸ್ಕ್ವೇರ್ ಫೀಟ್ ಅಳತೆಯನ್ನು ನೀವು ಗೂಗಲ್ ಪೇಜ್ ನಲ್ಲಿ ಸೆಂಟ್ಸ್ ಅಥವಾ ಎಕರೆಗೆ ವರ್ಗಾಯಿಸಬಹುದು.

ನಿಮ್ಮ ಹಿಸ್ಸಾ ನಂಬರ್ ಪಡೆಯುವುದು ಹೇಗೆ? ಕೆಳ ಭಾಗದಲ್ಲಿ ಎಡ ಮೂಲೆಗೆ search sy No. ಅನ್ನೋ ಮೆನೂ ಆಯ್ಕೆ ಮಾಡಿ ನಿಮ್ಮ ಜಿಲ್ಲೆ ತಾಲೂಕು ಹೋಬಳಿ ಗ್ರಾಮ ಮತ್ತು ಕೊನೆಗೆ ಸರ್ವೇ ನಂಬರ್ ಎಂಟರ್ ಮಾಡಿದರೆ ಹಿಸ್ಸಾ ಮೆನೂ ಲಿಸ್ಟ್ ಬರುತ್ತದೆ. ಈಗ ಒಂದೊಂದಾಗಿ ಅಲ್ಲಿರುವ ಓನರ್ ಹೆಸರನ್ನು ಪರೀಶೀಲಿಸಿ ನೋಡಿದರೆ ನಿಮ್ಮ ದಾಖಲೆ ಸಿಗುತ್ತದೆ. ಸಿಕ್ಕಿರುವ ಮಾಹಿತಿ ಯನ್ನು ಭೂಮಿ ವೆಬ್‌ಸೈಟ್ ನಲ್ಲಿ ಸರ್ಚ್ ಮಾಡಿದರೆ ನಿಮ್ಮ RTC ಕಾಪೀ ಉಚಿತ ವಾಗಿ ಪಡೆಯಬಹುದು. ದಿನಕ್ಕೆ ನೂರಾರು ಜನರು ಸರಿಯಾದ ಮಾಹಿತಿ ಇಲ್ಲದೆ ತಾಲೂಕು ಕಚೇರಿಗೆ ಅಡ್ಡಾಡುತ್ತಾರೆ. ನಿಮ್ಮ ಮನೆ ಪಕ್ಕ ಅಂಥವರು ಯಾರಾದರೂ ಇದ್ದರೆ ನಿಮ್ಮ ಆಂಡ್ರಾಯ್ಡ್ ಫೋನ್ ನಲ್ಲಿ ಅವರಿಗೆ DISHANK ಅಪ್ ಬಳಸಿ ಅವರಿಗೆ ಸಹಾಯ ಮಾಡಿ ಹಾಗೂ ಯಾರಾದರೂ ಜಾಗ ಕೊಳ್ಳುವವರು ಇದ್ದರೆ ಅವರಿಗೂ ಈ app ಸಹಾಯಕ್ಕೆ ಬರುತ್ತದೆ. ಒಂದ್ಸಲ ಅಪ್ ಇನ್‌ಸ್ಟಾಲ್ ಮಾಡಿ ನಿಮ್ಮ ಮನೆ ಇರುವ ಜಾಗ ಹಾಗೂ RTC ದಾಖಲೆ ಸರಿಯಾಗಿದೆಯೇ ಪರೀಕ್ಷಿಸಿ.

ಜಾಹೀರಾತು
ಜಾಹೀರಾತು
ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ

About the Author

Bantwal News
2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಮೊದಲ ವೆಬ್ ಪತ್ರಿಕೆ. ಇಪ್ಪತ್ತೈದು ಲಕ್ಷಕ್ಕೂ ಅಧಿಕ ಮಂದಿ ಓದಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಎಂಟನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು.  ಅಕೌಂಟ್ ನಂಬ್ರ ಹೀಗಿದೆ. For Online Transaction: Account Name:  Harish M G, Bank: Karnataka bank  Account No: 0712500100982501  IFSC Code: KARB0000071  ಗೂಗಲ್ ಪೇ ಮಾಡುವುದಿದ್ದರೆ, Gpay: 9448548127 - ಹರೀಶ ಮಾಂಬಾಡಿ, ಸಂಪಾದಕ

Be the first to comment on "ತಾಲೂಕು ಆಫೀಸ್ ನಲ್ಲಿ RTC ಪಡೆಯಲು ಸಾಲು ನಿಲ್ಲುವ ಮೊದಲು ಇದನ್ನು ಓದಿ.."

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*