ಪ್ರತಿ ಶಾಲೆಗಳಲ್ಲೂ ಅವಳಿ ಮಕ್ಕಳು ಒಂದೇ ರೀತಿ ಇದ್ದು, ಶಿಕ್ಷಕರಿಗೂ ಕೆಲವೊಮ್ಮೆ ಗೊಂದಲ ಮೂಡಿಸುವುದುಂಟು. ಆದರೆ ಬಂಟ್ವಾಳ ತಾಲೂಕಿನ ಶಂಭೂರಿನ ಬೊಂಡಾಲ ಜಗನ್ನಾಥ ಶೆಟ್ಟಿ ಸರಕಾರಿ ಪ್ರೌಢಶಾಲೆಯಲ್ಲಿ ಅವಳಿ ಮಕ್ಕಳ ಸಂಖ್ಯೆ ಹತ್ತು ಜೋಡಿ. ಒಟ್ಟು 20 ಮಕ್ಕಳು ಇತ್ತೀಚೆಗೆ ಶಾಲೆಯಲ್ಲಿ ಗ್ರೂಪ್ ಫೊಟೊ ತೆಗೆಸಿಕೊಂಡು ಶಾಲೆಯ ಇತಿಹಾಸಕ್ಕೆ ಸ್ಮರಣಾರ್ಹ ದಾಖಲಾತಿಯಾಗಿಬಿಟ್ಟರು.
ಮನ್ವಿತ್ ಆರ್. -ಮನೀಷ್ ಆರ್, ಸೂರಜ್ ಶೆಣೈ- ಸುದೀಪ್ ಶೆಣೈ, ಅಮಿತ್ ಪಿ.- ನಮಿತ್ ಪಿ, ಜನಾರ್ದನ- ಜಲಜಾಕ್ಷಿ, ಲತಾ-ಲಕ್ಷ್ಮಿ, ಅಭಿಷೇಕ್- ಅಭಿಜಿತ್, ಹರ್ಷಾ ಎಂ. ಕುಲಾಲ್- ಹರ್ಷಿತಾ ಎಂ.ಕುಲಾಲ್, ಸುರಕ್ಷಾ-ಸಮೀಕ್ಷಾ, ಶೋಭಾ- ಶೋಭಿತಾ, ಸೌಮ್ಯಾ- ಸೌಜನ್ಯಾ ಇಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ಅವಳಿ ವಿದ್ಯಾರ್ಥಿಗಳು. ಇವರನ್ನು ಗುರುತಿಸಲು ಕಷ್ಟಪಡಬೇಕಾಗುತ್ತದೆ, ಸಣ್ಣ ಪುಟ್ಟ ವ್ಯತ್ಯಾಸಗಳನ್ನು ಅರಿತುಕೊಂಡು ಗುರುತಿಸುತ್ತೇವೆ ಎಂದು ಶಾಲೆಯ ಶಿಕ್ಷಕ ಹರಿಪ್ರಸಾದ್ ಈ ಸಂದರ್ಭ ತಿಳಿಸಿದರು.
Be the first to comment on "ಅವಳಿ ಜವಳಿ ಜೋಡಿ, ಹತ್ತು ಇದೆ ನೋಡಿ"