ಅಪರಿಚಿತರ ತಂಡದಿಂದ ನಿಂದನೆ, ಕೈ, ಕೋಲಿನಿಂದ ಹಲ್ಲೆ

ಬಂಟ್ವಾಳ: ವ್ಯಕ್ತಿಯೊಬ್ಬರಿಗೆ ತಂಡವೊಂದು ಹಲ್ಲೆ ನಡೆಸಿದ ಘಟನೆ ಬಂಟ್ವಾಳ ತಾಲೂಕಿನ ಕಡೇಶಿವಾಲಯ ಎಂಬಲ್ಲಿ ಮಂಗಳವಾರ ರಾತ್ರಿ ನಡೆದಿದೆ. ಇಲ್ಲಿನ ಕಡೇಶಿವಾಲಯದ ಭಂಡಾರಿಬೆಟ್ಟು ನಿವಾಸಿ ಅಬ್ದುಲ್ ಲತೀಫ್ (50) ಹಲ್ಲೆಗೊಳಗಾಗಿದ್ದು, ಅವರನ್ನು ಬಂಟ್ವಾಳ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅಬ್ದುಲ್ ಲತೀಫ್ ರವರು ಸಾಯಂಕಾಲ ಕೆಲಸ ಮುಗಿಸಿ ತನ್ನ ಅಣ್ಣ ಕೆ.ಪಿ ಖಾದರ್ ಎಂಬವರ ಮನೆಗೆ ಹೋಗಿ ವಾಪಾಸು ಮನೆಕಡೆಗೆ ಬರುತ್ತಾ ರಾತ್ರಿ 7.30 ಗಂಟೆಗೆ ಯಾರೋ ಗುರುತು ಪರಿಚಯವಿಲ್ಲದ 4 ಜನ ಅಪರಿಚಿತರು ಬಂದು ಅವಾಚ್ಯ ಶಬ್ದಗಳಿಂದ ಬೈದು, ಕೈ ಮತ್ತು ಕೋಲಿನಿಂದ ಹೊಡೆದು ಹಲ್ಲೆ ನಡೆಸಿದ್ದಾಗಿ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿರುತ್ತದೆ.