ಭಾರತೀಯ ಜೈನ್ ಮಿಲನ್ ನ ವಲಯ ೮ರ ವತಿಯಿಂದ ಬಂಟ್ವಾಳ, ಮಂಗಳೂರು, ಪುತ್ತೂರು ತಾಲೂಕು ಮಿಲನ್ ಗಳ ವತಿಯಿಂದ ಗಿಡ ನೆಡುವ ಯೋಜನೆಗೆ ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ಡಿ.ವೀರೇಂದ್ರ ಹೆಗ್ಗಡೆ ಚಾಲನೆ ನೀಡಿದರು.
ಭಾರತೀಯ ಜೈನ್ ಮಿಲನ್ ನ ವಲಯ ೮ರ ವತಿಯಿಂದ ಬಂಟ್ವಾಳ, ಮಂಗಳೂರು, ಪುತ್ತೂರು ತಾಲೂಕು ಮಿಲನ್ ಗಳ ವತಿಯಿಂದ ಗಿಡ ನೆಡುವ ಯೋಜನೆಗೆ ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ಡಿ.ವೀರೇಂದ್ರ ಹೆಗ್ಗಡೆ ಚಾಲನೆ ನೀಡಿದರು.
ಡಾ ಹೆಗ್ಗಡೆಯವರ ಪಟ್ಟಾಭಿಷೇಕದ ೫೦ನೇ ವರ್ಷದ ಸಂದರ್ಭದಲ್ಲಿ ಭಾರತೀಯ ಜೈನ್ ಮಿಲನ್ ವಲಯ ೮ ರ ವತಿಯಿಂದ ೫೦ ಸಾವಿರ ಗಿಡಗಳನ್ನು ನೆಡುವ ಹಾಗೂ ವಿತರಿಸುವ ಯೋಜನೆ ಹಮ್ಮಿಕೊಳ್ಳಲಾಗಿದ್ದು ಅದರಂತೆ ಮಂಗಳೂರು,ಬಂಟ್ವಾಳ, ಪುತ್ತೂರು ತಾಲೂಕು ಮಿಲನ್‌ಗಳ ವತಿಯಿಂದ ಸುಮಾರು ೫ ಸಾವಿರ ಗಿಡಗಳನ್ನು ನೆಡುವ ಯೋಜನೆ ಹಮ್ಮಿಕೊಳ್ಳಲಾಗಿದೆ. ಈ ಭಾಗದ ಜೈನ್ ಮಿಲನ್ ನಿರ್ದೇಶಕರಾದ ಸುದರ್ಶನ್ ಜೈನ್ ಅವರಿಗೆ ಹೆಗ್ಗಡೆಯವರು ಗಿಡ ವಿತರಿಸುವ ಮೂಲಕ ಚಾಲನೆ ನೀಡಿದರು. ಈ ಸಂದರ್ಭ ಹೇಮಾವತಿ ಹೆಗ್ಗಡೆ,, ಮಿಲನ್ ಪದಾಧಿಕಾರಿಗಳಾದ ಡಾ. ಯಶೋವರ್ಮ ಜೈನ್ ಉಜಿರೆ, ಪುಷ್ಪರಾಜ ಜೈನ್ ಮಂಗಳೂರು, ಸುಭಾಶ್‌ಚಂದ್ರ ಜೈನ್ ಬಂಟ್ವಾಳ, ಜೀವಂಧರ ಜೈನ್ ಬೆಳ್ತಂಗಡಿ, ಸೋಮಶೇಖರ ಶೆಟ್ಟಿ ಬೆಳ್ತಂಗಡಿ ಮುಂತಾದವರು ಉಪಸ್ಥಿತರಿದ್ದರು.