ಜೋಡುಮಾರ್ಗ ಜೇಸಿಯ ಗೃಹಪತ್ರಿಕೆ ಬಿಡುಗಡೆ

ಅಂತರಾಷ್ಟೀಯ ವ್ಯಕ್ತಿತ್ವ ವಿಕಸನ ತರಬೇತಿ ಸಂಸ್ಥೆ ಜೋಡುಮಾರ್ಗ ನೇತ್ರಾವತಿ ಜೇಸೀ ವತಿಯಿಂದ ತನ್ನ ಮುಖವಾಣಿ ನೇತ್ರಾವತಿ ಯ ಪ್ರಥಮ ಆವೃತಿ ಯ ಬಿಡುಗಡೆ ಸಮಾರಂಭ ಬಿಸಿರೋಡ್ ನಲ್ಲಿ ಜರಗಿತು.

ಜೋಡುಮಾರ್ಗ ನೇತ್ರಾವತಿ ಜೇಸೀಯ  ಮಾಜಿ ಅಧ್ಯಕ್ಷರಾದ ಪ್ರೊಫೆಸರ್ ವೃಷಭರಾಜ ಜೈನ್ ನೇತ್ರಾವತಿ ಗೃಹ ಪತ್ರಿಕೆ ಲೋಕಾರ್ಪಣೆ ಮಾಡಿ ಮಾತನಾಡಿದರು. ಸದಸ್ಯರು ಸಮಾಜ ಮುಖಿ ಕಾರ್ಯಕ್ರಮ ಗಳ ದಾಖಲೆಯನ್ನು ಹಾಗೂ ತಮ್ಮ ಪ್ರತಿಭೆಯನ್ನು ಅಭಿವ್ಯಕ್ತ ಗೊಳಿಸಲು ಪತ್ರಿಕೆ ಸಹಕಾರಿಯಾಗಿದೆ ಎಂದು ಹೇಳಿದರು.

ಪ್ರಧಾನ ಸಂಪಾದಕರಾದ ಜೇಸೀ ರವೀಂದ್ರ ಕುಕ್ಕಾಜೆ ಪ್ರಾಸ್ತಾವಿಕವಾಗಿ  ಮಾತನಾಡಿದರು.ಸಹ ಸಂಪಾದಕರಾದ ಹರೀಶ್ ಮಾಂಬಾಡಿ, ಜಯಾನಂದ ಪೆರಾಜೆ, ಉಮೇಶ್ ನಿರ್ಮಲ್, ಹರಿಪ್ರಸಾದ್ ಕುಲಾಲ್, ಜೇಸಿರೆಟ್ ವಿಭಾಗದ ಅಧ್ಯಕ್ಷೆ ಗಾಯತ್ರಿ ಲೋಕೇಶ್, ಯುವ ಜೇಸಿ ಅಧ್ಯಕ್ಷೆ ದಿವ್ಯಾ ಉಪಸ್ತಿತರಿದ್ದರು. ಸಮಾರಂಭದ ಅಧ್ಯಕ್ಷತೆ ಯನ್ನು ಜೇಸೀ ಐ ಜೋಡುಮಾರ್ಗ ನೇತ್ರಾವತಿ ಯ ಅಧ್ಯಕ್ಷರಾದ ಸವಿತಾ ನಿರ್ಮಲ್ ವಹಿಸಿದ್ದರು. ಕಾರ್ಯದರ್ಶಿ ಹರ್ಷರಾಜ್ ಧನ್ಯವಾದ ಸಲ್ಲಿಸಿದರು.