ನರಿಕೊಂಬು: ಕಂದಾಯ, ಪಿಂಚಣಿ ಅದಾಲತ್

ಪಾಣೆಮಂಗಳೂರು ಹೋಬಳಿ ಮಟ್ಟದ ಕಂದಾಯ ಮತ್ತು ಪಿಂಚಣಿ ಅದಾಲತ್ ನರಿಕೊಂಬು ಗ್ರಾಪಂ ಸಭಾಭವನದಲ್ಲಿ ಗುರುವಾರ ನಡೆಯಿತು.

ನರಿಕೊಂಬು, ಶಂಭೂರು, ಬಿ.ಮೂಡ, ಪಾಣೆಮಂಗಳೂರು ಗ್ರಾಮಗಳ ವ್ಯಾಪ್ತಿಗೆ ಒಳಪಟ್ಟ ಅದಾಲತ್ ಇದು. ನರಿಕೊಂಬು ಗ್ರಾಮ ಪಂಚಾಯತ್ ಅಧ್ಯಕ್ಷ ಯಶೋಧರ ಕರ್ಬೆಟ್ಟು ಅಧ್ಯಕ್ಷತೆ ವಹಿಸಿದ್ದರು.

ಕಂದಾಯ ಇಲಾಖೆಯ ಉಪತಹಶೀಲ್ದಾರ್ ಗ್ರೆಟ್ಟಾ ಮಸ್ಕರೇಂಞಸ್, ತಾಲೂಕು ಕಚೇರಿಯ ರೇಖಾ, ಪಾಣೆಮಂಗಳೂರು ಗ್ರಾಮ ಲೆಕ್ಕಾಧಿಕಾರಿ ವಿಜೇತ, ಗ್ರಾಮ  ಪಂಚಾಯತ್ ಲೆಕ್ಕಾಧಿಕಾರಿ ರೂಪನಂದ ತಾಲೂಕು ಕಚೇರಿ ಸಿಬ್ಬಂದಿಗಳಾದ ಸದಾಶಿವ ಕೈಕಂಬ, ಲಕ್ಷ್ಮಣ ನರಿಕೊಂಬು ಉಪಸ್ಥಿತರಿದ್ದರು.

ನರಿಕೊಂಬು ಗ್ರಾಮ ಕರಣಿಕರಾದ ನಾಗರಾಜ್ ಸ್ವಾಗತಿಸಿದರು. ಬಿ ಮೂಡ ಗ್ರಾಮ ಲೆಕ್ಕಾಧಿಕಾರಿ ಶಿವಾನಂದ ನಾಟೇಕಾರ್ ಧನ್ಯವಾದ ಸಲ್ಲಿಸಿದರು.