ಬಂಟ್ವಾಳ ಕೂಟ ಯುವ ಜಗತ್ತು ಸಹಯೋಗದೊಂದಿಗೆ ಅಲೆತ್ತೂರು ಕ್ರಿಯೇನ್ಸ್ ಬಿ.ಸಿ.ರೋಡ್ ನಿರ್ಮಾಣದ ಮಿತ್ರತ್ವ ಎಂಬ ಕನ್ನಡ ಕಿರುಚಿತ್ರದ ಧ್ವನಿಸುರುಳಿ, ಪ್ರಥಮ ಟ್ರೈಲರ್ ಮತ್ತು ಪೋಸ್ಟರ್ ಬಿಡುಗಡೆ ಸಮಾರಂಭ ಬಂಟ್ವಾಳ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ನಡೆಯಿತು.
ತಂಡದ ಕಿಶನ್ ಹೊಳ್ಳ ನೂಜಿಪ್ಪಡಿ ಸ್ವಾಗತಿಸಿದರು. ನಿರ್ದೇಶಕ, ಚಲನಚಿತ್ರ – ರಂಗಭೂಮಿ ನಟ ರಾಘವೇಂದ್ರ ಕಾರಂತ ಮೊಗರ್ನಾಡು ಚಿತ್ರದ ಸಂಕ್ತಿಪ್ತ ಮಾಹಿತಿ ನೀಡಿದರು.
ಡಿಸೆಂಬರ್ 23 ರಂದು ನಡೆಯುವ ೧೦ನೇ ವರ್ಷದ ಅಲೆತ್ತೂರು ಹಬ್ಬದ ಸಮಾರಂಭದಲ್ಲಿ ಚಿತ್ರ ಬಿಡುಗಡೆ ನಡೆಯಲಿದೆ. ಚಿತ್ರದ ಕಥೆ, ಚಿತ್ರಕಥೆ, ಹಾಡು, ಸಂಭಾಷಣೆ ಮತ್ತು ನಿರ್ದೇಶನವನ್ನು ರಾಘವೇಂದ್ರ ಕಾರಂತ ಮೊಗರ್ನಾಡು ಮಾಡಿದ್ದಾರೆ. ಮಯ್ಯ ಬ್ರದರ್‍ಸ್ ಅಲೆತ್ತೂರು ಚಿತ್ರದ ನಿರ್ಮಾಪಕರು. ಕಿಶನ್ ಹೊಳ್ಳ ನೂಜಿಪ್ಪಾಡಿ ಮತ್ತು ಬಳಗ ಕ್ಯಾಮರಾ ಕೆಲಸವನ್ನು ಮಾಡಿದ್ದು, ಸಂದೇಶ ಬಿ.ಅಲೆತ್ತೂರು ಮತ್ತು ಬಳಗ ಸಂಕಲನ, ಶರತ್ ಮಯ್ಯ ಅಲೆತ್ತೂರು ಪ್ರೊಡಕ್ಷನ್ ಮ್ಯಾನೇಜರ್ ಆಗಿ ಸಹಕರಿಸಿದ್ದಾರೆ. ಚಿತ್ರಕ್ಕೆ ಸಂಗೀವವನ್ನು ಶ್ರೀನಿಧಿ ಭಟ್ ಟಿ.ಎನ್ ಮತ್ತು ವರುಣ್ ರಾವ್ ನೀಡಿದ್ದಾರೆ.
VIDEO LINK:
Be the first to comment on "ಮಿತ್ರತ್ವ ಕಿರುಚಿತ್ರದ ಪೋಸ್ಟರ್ ಬಿಡುಗಡೆ"