ನರಹರಿ ದೇವಸ್ಥಾನ ಪೌಳಿ ತೆರವುಗೊಳಿಸಲು ಶ್ರಮಸೇವೆ

ಭವ್ಯ ದೇಗುಲವಾದ ನರಹರಿ ಸದಾಶಿವ ದೇವಸ್ಥಾನದ ಹಳೇ ಪೌಳಿಯನ್ನು ತೆರವುಗೊಳಿಸುವ ಶ್ರಮಸೇವೆ ಸೆ.೩ರಂದು ಭಾನುವಾರ ಬೆಳಗ್ಗೆ 9ರಿಂದ ಸಂಜೆ 6ವರೆಗೆ ನಡೆಯಲಿದೆ.

ಹಲವು ವಿಸ್ಮಯ ಮತ್ತು ತನ್ನ ಅನುಪಮ ಪ್ರಕೃತಿ ಸೌಂದರ್ಯದಿಂದ ಆಸ್ತಿಕರನ್ನು , ನಾಸ್ತಿಕರನ್ನು ಆಕರ್ಷಿಸುವ ಶ್ರೀ ನರಹರಿ ಪರ್ವತ ಸದಾಶಿವ ದೇವಾಲಯದ ಪುನರ್ ನಿರ್ಮಾಣದ ಕಾರ್ಯದಲ್ಲಿ ಕೈಜೋಡಿಸಬೇಕಾಗಿದ್ದು, ಪಾಣೆಮಂಗಳೂರು, ಅಮ್ಟೂರು, ಗೋಳ್ತಮಜಲು ವ್ಯಾಪ್ತಿಯಲ್ಲಿರುವ ಸಂಘಟನೆಗಳ ಯುವಕ ಯುವತಿಯರು ಶ್ರಮ ಸೇವೆಯ ಪ್ರಾರಂಭೋತ್ಸವದಲ್ಲಿ ಪಾಲ್ಗೊಂಡು ಶ್ರೀ ಸದಾಶಿವನ ಸೇವೆ ಮಾಡಬೇಕೆಂದು, ಈ ಸಂದರ್ಭ ಸರಳ ಊಟೋಪಚಾರ ವ್ಯವಸ್ಥೆಯೂ ಇದೆ ಎಂದು ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಡಾ. ಪ್ರಶಾಂತ್ ಮಾರ್ಲ ಮತ್ತು ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಡಾ. ಆತ್ಮರಂಜನ ರೈ  ಉತ್ಸವ ಸಮಿತ ಅಧ್ಯಕ್ಷ ಎ.ರುಕ್ಮಯ ಪೂಜಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.