ಬಂಟ್ವಾಳದ ‘ಭದ್ರಾ’ ಸಂಸ್ಥೆ ಮಾಲೀಕ ವರದ ಆಚಾರ್ಯ ನಿಧನ

ಬಂಟ್ವಾಳ: ಬಂಟ್ವಾಳದಲ್ಲಿ ಮನೆಮಾತಾಗಿರುವ ಅಡುಗೆ ಅನಿಲ ವಿತರಣಾ ಸಂಸ್ಥೆ ‘ಭದ್ರಾ ಗ್ಯಾಸ್ ಏಜನ್ಸಿ’ ಮಾಲೀಕ ಪಂಡಿತ್ ವರದ ಆಚಾರ್ಯ (90) ಅವರು ಶುಕ್ರವಾರ ಬೆಳಗ್ಗೆ 5.30ಕ್ಕೆ ಬಂಟ್ವಾಳದಲ್ಲಿರುವ ಸ್ವಗೃಹದಲ್ಲಿ ನಿಧನ ಹೊಂದಿದರು. ಪತ್ನಿ, ಪುತ್ರ ರೊಟೇರಿಯನ್ ಮಂಜುನಾಥ ಆಚಾರ್ಯ, ಪುತ್ರಿ ಸಹಿತ ಅಪಾರ ಬಂಧು ಬಾಂಧವರನ್ನು ಅವರು ಹೊಂದಿದ್ದರು. ಅಂತಿಮ ವಿಧಿ ವಿಧಾನಗಳು ಮನೆಯಲ್ಲಿ ಬೆಳಗ್ಗೆ 11.30ಕ್ಕೆ ನಡೆಯಲಿವೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ. ಬಂಟ್ವಾಳದಲ್ಲಿ ಹಲವು ವರ್ಷಗಳಿಂದ ಭದ್ರಾ ಅಡುಗೆ ಅನಿಲ ವಿತರಣಾ ಸಂಸ್ಥೆಯನ್ನು ಸ್ಥಾಪಿಸಿ ಬಂಟ್ವಾಳ ಸುತ್ತಮುತ್ತಲಿನ ಗ್ರಾಹಕರಿಗೆ ಅಡುಗೆ ಅನಿಲ ವಿತರಣೆ ಮಾಡುವುದರಲ್ಲಿ ಇವರು ಪ್ರಮುಖ ಪಾತ್ರ ವಹಿಸಿದ್ದರು. ಬಳಿಕ ಭದ್ರಾ ಗ್ಯಾಸ್ ಏಜನ್ಸಿ ತನ್ನ ಸೇವಾವಧಿಯನ್ನು ವಿಸ್ತರಿಸಿ, ಹೋಂ ಅಪ್ಲೈನ್ಸಸ್, ಫರ್ನೀಚರ್ಸ್ ಮಳಿಗೆಗಳನ್ನು ಸ್ವಂತ ಕಟ್ಟಡದಲ್ಲಿ ಪ್ರಾರಂಭಿಸಿತ್ತು.