ಸೌತ್ ಕೆನರಾ ಫೊಟೋಗ್ರಾಫರ್ಸ್ ಅಸೋಸಿಯೇಶನ್ ವತಿಯಿಂದ ಮುದ್ದು ಕೃಷ್ಣ ಫೊಟೋ ಸ್ಪರ್ಧೆ ಆಯೋಜಿಸಲಗಿದ್ದು, ಸೆ.15 ಕೊನೆಯ ದಿನಾಂಕ ಎಂದು ಬಂಟ್ವಾಳ ವಲಯ ಅಧ್ಯಕ್ಷ ಕಿಶೋರ್ ಕುಮಾರ್ ತಿಳಿಸಿದ್ದಾರೆ.
ತಾಲೂಕು ಮಟ್ಟದ ಫೊಟೋ ಸ್ಪರ್ಧೆ ಇದಾಗಿದ್ದು, ಅಂಚೆ ಮೂಲಕ 6 ಬೈ 9 ಸೈಜ್ ಅಳತೆಯ ಫೊಟೋಗಳನ್ನು ತಾಲೂಕಿನ ಸಮೀಪದ ಸ್ಟುಡಿಯೋಗಳಲ್ಲಿ ನೀಡಬಹುದು. 3 ವರ್ಷದ ಒಳಗಿನ ಮಕ್ಕಳಿಗೆ ಮಾತ್ರ ಅವಕಾಶ, ಫೊಟೋದ ಹಿಂದೆ ಮಗುವಿಗೆ ಹೆಸರು ಮತ್ತು ಮೊಬೈಲ್ ಸಂಖ್ಯೆ ಕಡ್ಡಾಯ, ಮೊಬೈಲ್ ಫೊಟೋಗಳಿಗೆ ಅವಕಾಶವಿಲ್ಲ. ಜನ್ಮದಿನಾಂಕದ ದಾಖಲೆ ನಕಲು ಕಡ್ಡಾಯ. ಮಗುವಿನ ಗರಿಷ್ಠ 3 ಫೊಟೋಗಳಿಗೆ ಅವಕಾಶ. ಸಂಘಟಕರ ತೀರ್ಮಾನವೇ ಅಂತಿಮ ಎಂದು ಅವರು ತಿಳಿಸಿದ್ದಾರೆ. ಅಂಚೆ ಮೂಲಕ ಕಳುಹಿಸುವವರು ಪ್ರೀತಿ ಸ್ಟುಡಿಯೋ, ಪದ್ಮಾ ಕಾಂಪ್ಲೆಕ್ಸ್, ಜೋಡುಮಾರ್ಗ ಪೋಸ್ಟ್, ಬಂಟ್ವಾಳ ತಾಲೂಕು 574219 ಸಂಖ್ಯೆಗೆ ಕಳುಹಿಸಬಹುದು, ಅಥವಾ ತನ್ನ ಸಮೀಪದ ಸ್ಟುಡಿಯೋಗಳಿಗೆ ನೀಡಬಹುದು ಎಂದವರು ಮಾಹಿತಿ ನೀಡಿದ್ದಾರೆ.