ಪ್ರತಿಭೆ ಅನಾವರಣಕ್ಕೆ ಜೇಸಿ ಉತ್ತಮ ವೇದಿಕೆ: ರಾಮಚಂದ್ರ ರಾವ್

ಪ್ರತಿಯೊಬ್ಬ ವ್ಯಕ್ತಿಯ ಪ್ರತಿಭೆಯನ್ನು ಅನಾವರಣ ಮಾಡುವ ಮೂಲಕ ಸಮಾಜಕ್ಕೆಉತ್ತಮ ನಾಗರಿಕರನ್ನು ರೂಪಿಸುವ ಕೆಲಸ ಜೇಸಿ ಸಂಸ್ಥೆ ಮಾಡುತ್ತಿದೆ ಎಂದು ಜೇಸೀ ತರಬೇತುದಾರರಾದ ಬಿ ರಾಮಚಂದ್ರ ರಾವ್ ಹೇಳಿದರು.

ಜೇಸೀ ಐ ಜೋಡುಮಾರ್ಗ ನೇತ್ರಾವತಿ ವತಿಯಿಂದ ಗುರುವಾರ ರೋಟರಿ ಸಭಾಂಗಣ  ಬಿಸಿರೋಡ್ ಇಲ್ಲಿ ನಡೆದ  ಪುನಶ್ಚೇತನ ತರಬೇತಿ ಕಾರ್ಯಾಗಾರದ ಸಂಪನ್ಮೂಲ ವ್ಯಕ್ತಿಯಾಗಿ ಮಾತನಾಡಿದರು.ಸಭೆಯ ಅಧ್ಯಕ್ಷತೆ ಯನ್ನು ಜೇಸೀ ಐ ಜೋಡುಮಾರ್ಗ ನೇತ್ರಾವತಿ ಯ ಅಧ್ಯಕ್ಷರಾದ ಸವಿತಾ ನಿರ್ಮಲ್ ವಹಿಸಿದ್ದರು.

ವಲಯ ತರಬೇತುದಾರರಾದ ಡಾ ರಾಘವೇಂದ್ರ ಹೊಳ್ಳ ಜೇಸೀ ಯಲ್ಲಿ ವಿವಿಧ ಅವಕಾಶಗಳ ಬಗ್ಗೆ ಮಾಹಿತಿ ನೀಡಿದರು. ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಜೇಸೀ ವಲಯದ ನಿಯೋಜಿತ ಉಪಾಧ್ಯಕ್ಷರಾದ ದಾಮೋದರ ಪಾಟಾಲಿ , ಕಾರ್ಯದರ್ಶಿ ಹರ್ಷರಾಜ್, ಯುವ ಜೇಸಿ ಅಧ್ಯಕ್ಷೆ ದಿವ್ಯಾ ಉಪಸ್ತಿತರಿದ್ದರು.