ಬಡಗುಂಡಿ ಅಪಘಾತ: ಗಾಯಾಳುಗಳಿಗೆ ಸಾಂತ್ವನ ಹೇಳಿದ ರೈ

ಬಂಟ್ವಾಳ ತಾಲೂಕಿನ ಮಣಿಹಳ್ಳ ಪಕ್ಕ ಬಡಗುಂಡಿ ಎಂಬಲ್ಲಿ ನಡೆದ ಅಪಘಾತದಲ್ಲಿ ಒಂದು ವರ್ಷದ ಮಗು ಜಾನ್ ಪ್ಯಾಟ್ರಿಕ್ ಮೃತಪಟ್ಟಿದ್ದು, ಸ್ಥಳೀಯ ನಿವಾಸಿಗಳಾದ ಜರ್ಮನ್, ರೋಷನ್, ಲವಿಟಾ, ಸಿಸಿಲಿಯಾ ಬರೆಟ್ಟೋ, ಓಮ್ನಿ ಚಾಲಕ ರೋಬಿನ್ ಮತ್ತು ಜಾನ್ ಅಕ್ಕ ರಿಯಾ ಗಾಯಗೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಗಾಯಾಳುಗಳು ಇದ್ದ ತುಂಬೆ ಫಾದರ್ ಮುಲ್ಲರ್ ಆಸ್ಪತ್ರೆಗೆ ದ.ಕ.ಜಿಲ್ಲಾ ಉಸ್ತುವಾರಿ ಸಚಿವ ಬಿ.ರಮಾನಾಥ ರೈ ಗುರುವಾರ ರಾತ್ರಿ ಭೇಟಿ ನೀಡಿದರು.

ಇದೇ ವೇಳೆ ಫಾ.ಮುಲ್ಲರ್ ಆಸ್ಪತ್ರೆಯ ನಿರ್ದೇಶಕ ರೋಶನ್ ಕ್ರಾಸ್ತಾ ಅವರೊಂದಿಗೆ ಅವರು ಚರ್ಚೆ ನಡೆಸಿದರು. ಈ ಸಂದರ್ಭ ಬಂಟ್ವಾಳ ಕೆಥೋಲಿಕ್ ಸಭಾ ಅಧ್ಯಕ್ಷ ಸ್ಟೇನಿ ಲೋಬೊ, ಪ್ರಮುಖರಾದ ಏಪ್ರಿಯಂ ಸಿಕ್ವೇರ, ರಿಚರ್ಡ್ ಲೋಬೊ, ಮಾಯಿಲಪ್ಪ ಸಾಲಿಯಾನ್, ಸತೀಶ್ ಮೇಲ್ಕಾರ್, ಡೆನ್ಘಿಲ್ ನೊರೋನ್ಹ ಮೊದಲಾದವರು ಉಪಸ್ಥಿತರಿದ್ದರು.