ಭಾನುವಾರ ಸಜೀಪಮುನ್ನೂರು ಗ್ರಾಮದ ಮಂಜಲ್ಪಾದೆ ಎಂಬಲ್ಲಿರವ ಅಂಬಡೆಬೈಲ್ ನದೀ ತೀರದಲ್ಲಿರುವ ಆಳವಾದ ಕೆರೆಯಲ್ಲಿ ಈಜಾಡಲು ಬಂದ ದೇರಳಕಟ್ಟೆ ದಂತ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿಗಳ ತಂಡದಲ್ಲಿ ಓರ್ವ ಸಾವನ್ನಪ್ಪಿದ್ದಾರೆ. ಅವರ ಮೃತದೇಹ ಸೋಮವಾರ ದೊರೆತಿದೆ.
ಕೇರಳ ಮೂಲದ ನಿವಾಸಿ ದಂತ ವೈದ್ಯಕೀಯ ಕಾಲೇಜಿನ ಅಂತಿಮ ವರ್ಷದ ವ್ಯಾಸಂಗ ಮಾಡುತ್ತಿರುವ ಡೆನ್ನಿಸ್ ಮೃತಪಟ್ಟಾತ. ಗೂಡಿನಬಳಿಯ ಮುಳುಗುತಜ್ಞರು ಶವವನ್ನು ಮೇಲಕ್ಕೆತ್ತುವಲ್ಲಿ ಯಶಸ್ವಿಯಾದರು.
ಐವರು ವಿದ್ಯಾರ್ಥಿಗಳು ರಜೆಯ ಮಜಾ ಸವಿಯಲು ಇಲ್ಲಿಗೆ ಆಗಮಿಸಿದ್ದು, ನದಿ ತೀರದಲ್ಲಿರುವ ಆಳವಾದ ಕೆರೆಯಲ್ಲಿ ಈಜಾಡಲು ತೆರಳಿದ್ದರು. ಈ ಸಂದರ್ಭ ಡೆನ್ನಿಸ್ ನೀರಲ್ಲಿ ಮುಳುಗಿದ್ದರು. ಸುದ್ದಿ ತಿಳಿದು ಭಾನುವಾರ ರಾತ್ರಿಯೇ ಆಗಮಿಸಿದ ಅಗ್ನಿಶಾಮಕದಳ ಕಾರ್ಯಾಚರಣೆ ನಡೆಸಿ ಮರಳಿದ್ದರು. ಬಳಿಕ ಗೂಡಿನಬಳಿಯ ಈಜುತಜ್ಞರ ನೆರವಿನಿಂದ ಕೆಸರಲ್ಲಿ ಹೂತ ಮೃತದೇಹ ಹೊರಕ್ಕೆ ತರಲಾಯಿತು ಎಂದು ಬಂಟ್ವಾಳ ಪೊಲೀಸರು ತಿಳಿಸಿದ್ದು, ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಜಾಹೀರಾತು
ಬಂಟ್ವಾಳ್ ನ್ಯೂಸ್. ಕಾಂ , ಈ ನ್ಯೂಸ್ ಲಿಂಕ್ ಚಂದದಾರರಾಗಬೇಕೆ ಇಲ್ಲಿ ಕ್ಲಿಕ್ ಮಾಡಿ. ನೀವು ಈಗಾಗಲೇ ಚಂದದಾರರಾಗಿದ್ದರೆ, ಮತ್ತೆ ಕ್ಲಿಕ್ ಮಾಡಬೇಕಾಗಿಲ್ಲ ವಾಟ್ಸಪ್ ಗ್ರೂಪಿಗೆ ಸೇರಬೇಕಾಗಿಲ್ಲ