ಸರ್ವೀಸ್ ರಸ್ತೆ ಢಮಾರ್!

ನೋಡಬೇಕಾದವರು ಕಣ್ಣಿದ್ದೂ ಕುರುಡರಂತೆ, ಕೇಳಬೇಕಾದವರು ಕಿವಿ ಇದ್ದೂ ಕಿವುಡರಂತೆ ವರ್ತಿಸಿದರೆ ಏನಾಗುತ್ತದೆ ಎಂಬುದಕ್ಕೆ ಈ ಚಿತ್ರಗಳೇ ಸಾಕ್ಷಿ. ಬಿ.ಸಿ.ರೋಡಿನ ಸರ್ವೀಸ್ ರಸ್ತೆಯ ಶುಕ್ರವಾರದ ಸ್ಥಿತಿ ಇದು. ನಾಳೆ ಹೇಗಿರುತ್ತೋ, ಆ ಭಗವಂತನೇ ಬಲ್ಲ.

ಚಿತ್ರ: ಕಿಶೋರ್ ಪೆರಾಜೆ

ನೋಡುತ್ತೇವೆ, ಮಾಡುತ್ತೇವೆ, ಅದು ಅವರ ಕ್ಷೇತ್ರ, ಅವರಿಗೆ ಮಾಡುವುದಕ್ಕೆ ಆಗುವುದಿಲ್ಲವೇ, ಅದು ಇವರ ವ್ಯಾಪ್ತಿ, ಇವರಿಗೆ ಮಾಡುವುದಕ್ಕೆ ಆಗುವುದಿಲ್ಲವೇ ಎಂಬುದರಲ್ಲೇ ಕಾಲಕಳೆದ ಫಲವೇ ಇಂದಿನ ಬಿ.ಸಿ.ರೋಡಿನ ಸರ್ವೀಸ್ ರಸ್ತೆ. ಇದನ್ನು ವರ್ಣಿಸಲು ಶಬ್ದಗಳು ಸಿಗುತ್ತಿಲ್ಲ. ಇದನ್ನು ನೋಡಿದರೆ, ಯಾರಾದರೂ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ರಸ್ತೆಗಳಲ್ಲೂ ನೀರು ಹೊಳೆಯಂತೆ ಹರೀತಿದೆ, ಅದನ್ನೂ ಲಿಫ್ಟ್ ಮಾಡಲು ಯಾರಾದರೂ ಸಾವಿರಾರು ಕೋಟಿ ಯೋಜನೆ ರೂಪಿಸಿ ಎಂದು ಸೂಚಿಸಲೂ ಸಾಕು!!!

ಜಾಹೀರಾತು