ಬಂಟ್ವಾಳ ತಾಲೂಕು ಪಿಂಚಣಿದಾರರ ಸಂಘದ ವಾರ್ಷಿಕ ಮಹಾಸಭೆ

ಬಂಟ್ವಾಳ: ಬಂಟ್ವಾಳ ತಾಲೂಕು ಪಿಂಚಣಿದಾರರ ಸಂಘದ 2020-21ನೇ ಸಾಲಿನ ವಾರ್ಷಿಕ ಮಹಾಸಭೆ ಗುರುವಾರ ಬಿ.ಸಿ.ರೋಡಿನ ಲಯನ್ಸ್ ಸಭಾಭವನದಲ್ಲಿ ಸಂಘದ ಅಧ್ಯಕ್ಷ ಪಿ.ಲೋಕನಾಥ ಶೆಟ್ಟಿ ಅಧ್ಯಕ್ಷತೆಯಲ್ಲಿ ನಡೆಯಿತು.

ಮುಖ್ಯ ಅತಿಥಿಗಳಾಗಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಬಿ.ಸಿ.ರೋಡು ಶಾಖೆ ಚೀಫ್ ಮ್ಯಾನೇಜರ್ ಮೀರಾ, ಬಂಟ್ವಾಳ ಸರಕಾರಿ ಆಸ್ಪತ್ರೆಯ ನಿವೃತ್ತ ಮುಖ್ಯ ವೈದ್ಯಾಧಿಕಾರಿ ಡಾ, ಕೆ.ಸುರೇಂದ್ರನಾಥ ನಾಯಕ್,  ಬಂಟ್ವಾಳ ಸರಕಾರಿ ನೌಕರರ ಸಂಘದ ಅಧ್ಯಕ್ಷ ಉಮಾನಾಥ ರೈ ಮೇರಾವು, ಪಿಂಚಣಿದಾರರ ಸಂಘದ ಉಪಾಧ್ಯಕ್ಷರಾದ ಪ್ರೊ. ತುಕರಾಮ್ ಪೂಜಾರಿ, ಮಧುಕರ ಮಲ್ಯ ಉಪಸ್ಥಿತರಿದ್ದರು.

ಹಿರಿಯ ಪಿಂಚಣಿದಾರ ಸದಸ್ಯರಾದ ಕೆ.ವಿಠಲ ಶೆಟ್ಟಿ , ಲೂಯಿಸ್ ವೆಲೇರಿಯನ್ ಸಿಕ್ವೇರಾ, ಎಸ್. ಲಲಿತಾ , ಕೆ. ನೀಲೋಜಿರಾವ್, ಕೃಷ್ಣ ಭಟ್ , ಪಿ.ಭೀಮ ಭಟ್, ಕೆ.ಪೋಂಕ್ರ, ಟಿ.ಸಂಜೀವ ಭಂಡಾರಿ , ಟಿ.ಬಿ.ದುರ್ಗಾವತಿ , ಅನಂತಪದ್ಮನಾಭ ಮಯ್ಯ, ಬಿ.ಎಂ.ಕಮಲಾಕ್ಷ, ಶ್ರೀಕೃಷ್ಣ ಭಟ್, ಶಂಕರನಾರಾಯಣರಾವ್, ಎಡ್ವರ್ಡ್ ಮಸ್ಕರೇನಸ್, ದೇವುಗೌಡ, ಪಿ.ಕುಂಙಣ್ಣರೈ, ಮಾಂಬಾಡಿ ಗೋಪಾಲಕೃಷ್ಣ ಭಟ್, ಅನಂತರಾಮ ಹೇರಳೆ, ಟಿ.ಗೌರಮ್ಮ, ಎಂ.ಪರಮೇಶ್ವರ ಹೋಳ್ಳ, ಮಹಮ್ಮದ್ ಬಿ., ಸುಬ್ರಹ್ಮಣ್ಯ ಭಟ್ ಮತ್ತು ನಿವೃತ್ತ ದೈಹಿಕ ಶಿಕ್ಷಣ ಶಿಕ್ಷಕರಾದ ವಿ.ಶಂಕರ್, ನಿವೃತ್ತ ಮುಖ್ಯ ಶಿಕ್ಷಕಿ ಎನ್.ಬಿ.ಲಕ್ಷ್ಮಿ ಅವರನ್ನು ಸನ್ಮಾನಿಸಲಾಯಿತು.
ಸಂಘದ ಪ್ರಧಾನ ಕಾರ್ಯದರ್ಶಿ ಕೆ.ನೀಲೋಜಿ ರಾವ್ ಬೇಕಲ್ ವರದಿ ವಾಚಿಸಿದರು. ಕೋಶಾಧಿಕಾರಿ ಜಲಜಾಕ್ಷಿ ಕುಲಾಲ್ ಲೆಕ್ಕಪತ್ರ ಮಂಡಿಸಿದರು. ಸಂಘಟನಾ ಕಾರ್ಯದರ್ಶಿ ಟಿ.ಶೇಷಪ್ಪ ಮಾಸ್ಟರ್, ಕಾರ್ಯಕಾರಿ ಸಮಿತಿ ಸದಸ್ಯರಾದ ಎನ್.ಶಿವಶಂಕರ್, ಸಂಕಪ್ಪ ಶೆಟ್ಟಿ, ಎಂ.ರಾಘವನ್ ನಾಯರ್, ದಿನಕರ್ ಉದ್ಯಾವರ, ಶ್ರೀಧರ ಗೌಡ ಸನ್ಮಾನಿತರನ್ನು ಪರಿಚಯಿಸಿದರು. ಅಗಲಿದ ಸದಸ್ಯರಿಗೆ ಶ್ರದ್ಧಾಂಜಲಿ ಅರ್ಪಿಸಲಾಯಿತು. ಗೌರವ ಸಲಹೆಗಾರ ಸೋಮಪ್ಪ ಬಂಗೇರ ಸಂದೇಶ ವಾಚಿಸಿದರು. ಸದಸ್ಯ ಜಯರಾಮ ಪೂಜಾರಿ ವಂದಿಸಿದರು. ಮಹಾಬಲೇಶ್ವರ ಟಿ.ಹೆಬ್ಬಾರ್ ಸ್ವಾಗತಿಸಿದರು. ನಿವೃತ್ತ ಮುಖ್ಯ ಶಿಕ್ಷಕ ಬಿ.ರಾಮಚಂದ್ರ ರಾವ್ ಕಾರ್ಯಕ್ರಮ ನಿರ್ವಹಿಸಿದರು.