ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಈಗಾಗಲೇ ಜುಲೈ 16ರಿಂದ ಒಂದು ವಾರಗಳ ಕಾಲ ಲಾಕ್ ಡೌನ್ ಆರಂಭಗೊಂಡಿದೆ. ಎರಡು ದಿನಗಳ ಲಾಕ್ ಡೌನ್ ಸಂಪೂರ್ಣಗೊಂಡಿದೆ. ಇಂದು ಶನಿವಾರವೂ ಬೆಳಗ್ಗಿನ ಹೊತ್ತು ವಾಹನ ಸಂಚಾರ ಕಂಡುಬಂತು. ಮಧ್ಯಾಹ್ನದ ಬಳಿಕ ಎಂದಿನಂತೆಯೇ ವಾಹನ ಸಂಚಾರ ಸಹಿತ ಜನಸಂಚಾರವೂ ಸ್ತಬ್ದವಾಗುವ ನಿರೀಕ್ಷೆ ಇದೆ. ಆದರೆ ಭಾನುವಾರ ಹಾಗಲ್ಲ. ಸಂಪೂರ್ಣ ಲಾಕ್ ಡೌನ್ ಇರಲಿದೆ ಎಂದು ಜಿಲ್ಲಾಡಳಿತ ಮಾಹಿತಿ ನೀಡಿದೆ. ಬೆಳಗ್ಗೆ 8ರಿಂದ 11ರವರೆಗಿನ ರಿಯಾಯಿತಿಯೂ ಇರುವುದಿಲ್ಲ ಎಂದು ಹೇಳಿರುವ ಜಿಲ್ಲಾಡಳಿತ ಎಲ್ಲರೂ ಮನೆಯೊಳಗಿದ್ದು, ಸುರಕ್ಷಿತವಾಗಿರಬೇಕು, ಆಡಳಿತದೊಂದಿಗೆ ಸಹಕರಿಸಬೇಕು ಎಂದು ವಿನಂತಿಸಿಕೊಂಡಿದೆ.