ಟೀಕೆಗಳಿಗೆ ಜನರೇ ಉತ್ತರ ಕೊಡಲಿದ್ದಾರೆ: ಸುಮಲತಾ ಅಂಬರೀಷ್

ನನ್ನ ವಿರುದ್ಧ ಟೀಕೆಗಳಿಗೆ ಜನರೇ ಉತ್ತರ ಕೊಡುತ್ತಾರೆ. ಟೀಕೆಗಳು ಏನೇ ಬರಲಿ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ. ಚುನಾವಣೆಯ ಸಂದರ್ಭ ಜನರೇ ಅದಕ್ಕೆ ಉತ್ತರ ಕೊಡಲಿದ್ದಾರೆ ಎಂದು ಮಂಡ್ಯ ಲೋಕಸಭೆ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಚಿತ್ರನಟಿ ಸುಮಲತಾ ಅಂಬರೀಷ್ ಹೇಳಿದ್ದಾರೆ.

ಧರ್ಮಸ್ಥಳಕ್ಕೆ ಸೋಮವಾರ ಆಗಮಿಸಿದ ಅವರು ಶ್ರೀ ಮಂಜುನಾಥ ಸ್ವಾಮಿಯ ದರ್ಶನ ಪಡೆದು, ಧರ್ಮಾಧಿಕಾರಿ ಡಾ. ಡಿ.ವೀರೇಂದ್ರ ಹೆಗ್ಗಡೆಯವರ ಆಶೀರ್ವಾದ ಪಡೆದರು. ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿ, ನನ್ನ ವಿರುದ್ಧ ಟೀಕೆಗಳಿಗೆ ಜನರು ಉತ್ತರ ಕೊಡುತ್ತಾರೆ. ಟೀಕೆಗಳು ಏನೇ ಬರಲಿ ನಾನು ತಲೆಕೆಡಿಸುವುದಿಲ್ಲ ಎಂದರು. ಮತಯಂತ್ರದಲ್ಲಿ ಜನರಿಗೆ ಕನ್ ಫ್ಯೂಸ್ ಆಗಿ ಮಿಸ್ ಗೈಡ್ ಆಗುವ ಸಂಭವವಿಲ್ಲ ಎಂದ ಅವರು,  ಜನಕ್ಕೆ ನಾನು ಪರಿಚಯ ಇಲ್ಲದೆ ಇರುವವಳಲ್ಲ. ಎಲ್ಲರಿಗೂ ನಾನು ಯಾರು ಎಂದು ಗೊತ್ತು. ಅಷ್ಟು ಸುಲಭವಾಗಿ ಜನರನ್ನು ಮೋಸ ಮಾಡಲು ಸಾಧ್ಯವಿಲ್ಲ ಎಂದರು. ನಾಳೆಯಿಂದ ಯಶ್ ಪ್ರಚಾರ ಮಾಡ್ತಾರೆ. ಇವತ್ತು ದರ್ಶನ್ ಪ್ರಚಾರ ಮಾಡ್ತಿದ್ದಾರೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು. ಈ ಸಂದರ್ಭ ರಾಕ್ ಲೈನ್ ವೆಂಕಟೇಶ್, ದೊಡ್ಡಣ್ಣ ಮತ್ತಿತರರು ಉಪಸ್ಥಿತರಿದ್ದರು.