ಬಂಟ್ವಾಳ ಶ್ರೀ ವೆಂಕಟರಮಣ ಸ್ವಾಮಿ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿನಿಯರಾದ ರಿಯಾ ಜೇಷ್ಮಾ ಅಂದ್ರಾದೆ (ದ್ವಿತೀಯ ವಿಜ್ಞಾನ ವಿಭಾಗ), ಸಹನಾ ಶೆಟ್ಟಿ (ಪ್ರಥಮ ವಾಣಿಜ್ಯ ವಿಭಾಗ) ಹಾಗೂ ಸೋನಿ ಶೆಟ್ಟಿ (ಪ್ರಥಮ ವಾಣಿಜ್ಯ ವಿಭಾಗ) ಪದವಿಪೂರ್ವ ಶಿಕ್ಷಣ ಇಲಾಖೆ ದ.ಕ., ಮಂಗಳೂರು ಹಾಗೂ ಪೊಂಪೈ ಪದವಿ ಪೂರ್ವ ಕಾಲೇಜು, ತಾಳಿಪಾಡಿ, ಐಕಳ ಜಂಟಿ ಆಶ್ರಯದಲ್ಲಿ ನಡೆದ ಪದವಿಪೂರ್ವ ಕಾಲೇಜುಗಳ ಜಿಲ್ಲಾ ಮಟ್ಟದ ಬಾಲಕಿಯರ ಕರಾಟೆ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನವನ್ನು ಗಳಿಸಿದ್ದಾರೆ.
ಈ ಹಿನ್ನೆಲೆಯಲ್ಲಿ ಅ.26 ಮತ್ತು 27ರಂದು ಕೋಲಾರ ಜಿಲ್ಲೆಯಲ್ಲಿ ನಡೆಯುವ ರಾಜ್ಯಮಟ್ಟದ ಕರಾಟೆ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ ಎಂದು ಕಾಲೇಜು ಪ್ರಕಟಣೆ ತಿಳಿಸಿದೆ.