ALERT: DO NOT FALL FOR THE TRAP! -ಮೋಸದ ಬಲೆಗೆ ಬೀಳದಿರಿ, ಮಂಗಳೂರು ಸಿಟಿ ಪೊಲೀಸ್ ನೀಡಿದ ಎಚ್ಚರಿಕೆಯ ಸಂದೇಶವೇನು?

ಎಚ್ಚರಿಕೆ!  ಸೈಬರ್ ಅಪರಾಧಿಗಳು ನಿಮ್ಮ ಹಣದ ಚೀಲವನ್ನು ಗುರಿಯಾಗಿಸುತ್ತಿದ್ದಾರೆ. ಹೂಡಿಕೆ ಮೋಸ – ಬಲೆಗೆ ಬೀಳಬೇಡಿ ! — ಈ ಕುರಿತು ಜನಜಾಗೃತಿ ಮೂಡಬೇಕಾಗಿದೆ ಎಂದು ಹೇಳಿರುವ ಮಂಗಳೂರು ಸಿಟಿ ಪೊಲೀಸ್ ಕಮೀಷನರ್ ಸುಧೀರ್ ರೆಡ್ಡಿ, ಪ್ರಕಟಣೆಯೊಂದನ್ನು ಹೊರಡಿಸಿ, ಸಾರ್ವಜನಿಕರು ಜಾಗೃತರಾಗಿರುವಂತೆ ಮನವಿ ಮಾಡಿದ್ದಾರೆ.ಏನಿದು ಮೋಸ, ಸೈಬರ್ ವಂಚನೆ…ಇಲ್ಲಿದೆ ವಿವರ. ಪೂರ್ತಿಯಾಗಿ ಓದಿರಿ.

ಹೂಡಿಕೆ ಮೋಸ ಎಂದರೇನು?

ಸೈಬರ್ ಅಪರಾಧಿಗಳು ನಕಲಿ ಹೂಡಿಕೆ ಅವಕಾಶಗಳ ಮೂಲಕ ಕಡಿಮೆ ಅವಧಿಯಲ್ಲಿ ಹೆಚ್ಚು ಲಾಭದ ಭರವಸೆ ನೀಡಿ ನಿಮ್ಮನ್ನು ಮೋಸಗೊಳಿಸುತ್ತಾರೆ-ನೀವು ಹಣ ಹೂಡಿದ ನಂತರ ನಿಮ್ಮ ಹಣ ಕಣ್ಮರೆಯಾಗುತ್ತದೆ. ಈ ರೀತಿಯ ಮೋಸಗಳು ವೃತ್ತಿಪರವಾಗಿ ಕಾಣಿಸುತ್ತವೆ ಮತ್ತು ಅದಕ್ಕಾಗಿ ಕೆಳಗಿನ ವಿಧಾನಗಳನ್ನು ಬಳಸಬಹುದು:

ನಕಲಿ ವೆಬ್‌ಸೈಟುಗಳು
🔴 ವಾಟ್ಸಾಪ್ ಗುಂಪುಗಳು ಮತ್ತು ಟೆಲಿಗ್ರಾಮ್ ಚಾನೆಲ್‌ಗಳು
🔴 ಸಿನಿಮಾ ತಾರೆಯರ/ಹೆಸರಾಂತ ವ್ಯಕ್ತಿಗಳ ನಕಲಿ ಪ್ರಮಾಣಪತ್ರಗಳು
🔴 ಮೋಸದ ಆ್ಯಪ್‌ಗಳು ಅಥವಾ ಸೋಷಿಯಲ್ ಮೀಡಿಯಾ ಜಾಹೀರಾತುಗಳು

ಸಾಮಾನ್ಯ ಎಚ್ಚರಿಕೆ ಸಂಕೇತ :

🚨 “ಖಚಿತ” ಹೆಚ್ಚುವರಿ ಲಾಭದ ಭರವಸೆ
🚨 ತಕ್ಷಣ ಹೂಡಿಕೆಗೆ ಒತ್ತಡ
🚨 ಹಣದ ದ್ವಿಗುಣ/ತ್ರಿಗುಣ ಲಾಭದ ಭರವಸೆ
🚨 ನೋಂದಾಯಿಸದ ಕಂಪನಿಗಳು ಅಥವಾ ಏಜೆಂಟ್‌ಗಳು
🚨 ಯುಪಿಐ/ಕ್ರಿಪ್ಟೋ ಪಾವತಿ ಕೇಳುವುದು
🚨 ನಕಲಿ ಲಾಭ ತೋರಿಸುವ ನಕಲಿ ಸ್ಕ್ರೀನ್‌ಶಾಟ್‌ಗಳು

ನಿಜವಾಗಿ ಬಲಿಯಾದವರ ಕಥೆಗಳು:

• ಸುರತ್ಕಲ್, ಮಂಗಳೂರು: ವಾಟ್ಸಾಪ್ ಗ್ರೂಪ್‌ಗಳ ಮೂಲಕ crypto trading‌ ನಲ್ಲಿ ಹೂಡಿಕೆ ಮಾಡುವಂತೆ ನಂಬಿಸಿ ಹಂತ ಹಂತವಾಗಿ ₹1.57 ಕೋಟಿ ಹಣ ಹೂಡಿಕೆ ಮಾಡಿಸಿ ಮೋಸ ಮಾಡಿದ್ದಾರೆ.
• ಕೆ.ಪಿ.ಟಿ, ಮಂಗಳೂರು: ಶೇರು ಮಾರುಕಟ್ಟೆ ಲಾಭದ ಆಶಯದಲ್ಲಿ WhatsApp ವಾಟ್ಸಾಪ್ ತರಬೇತಿ ಗ್ರೂಪ್ ಮೂಲಕ ₹37.49 ಲಕ್ಷ ಹೂಡಿಕೆ ಮಾಡಿದ್ದು, ಬಳಿಕ ಲಾಭಾಂಶ ಪಡೆಯಲು ಹೆಚ್ಚು ತೆರಿಗೆ ಪಾವತಿಸುವಂತೆ ಒತ್ತಾಯಿಸಿ ಮೋಸ ಮಾಡಿದ್ದಾರೆ.
• ಪಂಜಿಮೊಗರು, ಮಂಗಳೂರು: ಇನ್ಸ್ಟಾಗ್ರಾಂ ನಲ್ಲಿ “Work from Home” ಜಾಹೀರಾತು ನೆಪದಲ್ಲಿ ₹27.01 ಲಕ್ಷ ಹಣವನ್ನು ಅವರ ಹಾಗೂ ಕುಟುಂಬ ಸದಸ್ಯರ ಖಾತೆಯಿಂದ ವರ್ಗಾವಣೆ ಮಾಡಿಸಿ ಮೋಸ ಮಾಡಿದ್ದಾರೆ.
• ಕಂಕನಾಡಿ, ಮಂಗಳೂರು: Facebook ಜಾಹೀರಾತು ಮುಖಾಂತರ ಶೇರು ಮಾರುಕಟ್ಟೆ ಲಾಭದ ಭರವಸೆ ನೀಡಿ ₹30.55 ಲಕ್ಷ ಹೂಡಿಕೆ ಮಾಡುವಂತೆ ನಂಬಿಸಿ, ಹೂಡಿಕೆ ನಂತರ ಹಣ ನೀಡದೇ ಮೋಸ ಮಾಡಿದ್ದಾರೆ.
• ಉರ್ವಾ, ಮಂಗಳೂರು: ಟೆಲಿಗ್ರಾಮ್ ಖಾತೆ ಮೂಲಕ crypto currency trading ಸಲಹೆ ನೀಡಿ ₹13.57 ಲಕ್ಷ ಹೂಡಿಕೆ ಮಾಡಿಸಿ, ಯಾವುದೇ ಲಾಭ, ಹೂಡಿಕೆ ಹಣ ನೀಡದೇ ಮೋಸ ಮಾಡಿದ್ದಾರೆ.

📢 BEWARE!  💸 CYBER CRIMINALS ARE TARGETING YOUR WALLET  🚫 INVESTMENT FRAUD – DO NOT FALL FOR THE TRAP! — 👮‍♂️ MANGALURU CITY POLICE