KALLADKA ಕಲ್ಲಡ್ಕದಲ್ಲಿ ಶನಿವಾರ ಬೆಳಗ್ಗೆ ಕೆಸರಿನಿಂದ ರಸ್ತೆ ತುಂಬಿ ಹೋಗಿ, ವಾಹನಗಳು, ಪಾದಚಾರಿಗಳ ಸಹಿತ ಎಲ್ಲರಿಗೂ ತೊಂದರೆ ಉಂಟಾಗಿತ್ತು. ಈ ಕುರಿತು ಬಂಟ್ವಾಳನ್ಯೂಸ್ ವರದಿ ಮಾಡಿತ್ತು. ಇದಕ್ಕೆ ಸ್ಪಂದಿಸಿದ ಆಡಳಿತ ಮಧ್ಯಾಹ್ನದ ವೇಳೆ ಕೆಸರು ತೆರವು ಕೆಲಸ ಮಾಡಿತು. ಜೆಸಿಬಿ ಹಾಗೂ ಪೂರಕ ಯಂತ್ರಗಳನ್ನು ಬಳಸಿಕೊಂಡು ತೆರವು ಕಾರ್ಯ ನಡೆಸಿ, ಕೆಸರಿನಿಂದ ಆವೃತವಾದ ಡಾಂಬರು ರಸ್ತೆಯಲ್ಲಿ ಮತ್ತೆ ಡಾಂಬರು ಕಾಣಿಸುವ ಪ್ರಯತ್ನಗಳು ಸಾಗಿದ್ದು, ನೀರು ಹರಿದುಹೋಗುವ ಜಾಗದ ಹುಡುಕಾಟವನ್ನೂ ನಡೆಸಲಾಗುತ್ತಿದೆ. ಜನಸಾಮಾನ್ಯರಿಗೆ ಸಮಸ್ಯೆ ಆಗಿರುವ ಕುರಿತು ಸಾಮಾಜಿಕ ಜಾಲತಾಣದಲ್ಲೂ ವ್ಯಾಪಕ ಪ್ರತಿಕ್ರಿಯೆಗಳು ವ್ಯಕ್ತವಾಗಿದ್ದವು.