ವಿಶ್ವ ಪರಿಸರ ದಿನಾಚರಣೆಗೆ ಪೂರಕವಾಗಿ ಮೊಡಂಕಾಪುವಿನಲ್ಲಿ ಸ್ವಚ್ಛತಾ ಅಭಿಯಾನ ಭಾನುವಾರ ನಡೆಯಿತು. ಮೊಡಂಕಾಪು ಇನ್ಫೆಂಟ್ ಜೀಸಸ್ ಚರ್ಚ್ ವತಿಯಿಂದ ನಡೆದ ಈ ಅಭಿಯಾನಕ್ಕೆ ರೋಟರಿ ಕ್ಲಬ್ ಮೊಡಂಕಾಪು ಸದಸ್ಯರು ಜತೆಗೂಡಿದರು. ಬಂಟ್ವಾಳ ಪುರಸಭೆಯ ನೆರವಿನಿಂದ ದೀಪಿಕಾ ಹೈಸ್ಕೂಲಿನಿಂದ ಗೋರೆಮಾರ್ ವರೆಗೆ ರಸ್ತೆ ಬದಿಯಲ್ಲಿ ಬಿದ್ದಿದ್ದ ಕಸವನ್ನು ಸಂಗ್ರಹಿಸಲಾಯಿತು. ಮೊಡಂಕಾಪು ಚರ್ಚಿನ ಪ್ರಧಾನ ಗುರು ವಂದನೀಯ ವಲೇರಿಯನ್ ಡಿ‘ಸೋಜಾ, ಇನ್ಫೆಂಟ್ ಜೀಸಸ್ ಆಂಗ್ಲ ಮಾಧ್ಯಮ ಶಾಲೆಯ ಪ್ರಾಂಶುಪಾಲರಾದ ಗುರು ವಂದನೀಯ ಮೆಲ್ವಿನ್ ಲೋಬೊ ಹಾಗೂ ಮೊಡಂಕಾಪು ರೋಟರಿ ಕ್ಲಬ್ ಸದಸ್ಯರು ಈ ಸ್ವಚ್ಚತಾ ಅಭಿಯಾನದ ನೇತೃತ್ವ ವಹಿಸಿದ್ದರು. ಹಲವಾರು ಮಂದಿ ಅಭಿಯಾನದಲ್ಲಿ ಪಾಲ್ಗೊಂಡರು ಚಿತ್ರಗಳಿಗೆ ಮುಂದೆ ನೋಡಿರಿ