ನಾಲ್ಕು ದಿನದ ಮಳೆಗೇ ಪ್ರಾಣ ಬಿಟ್ಟ ಡಾಂಬರು – ಕೆರೆಗಾತ್ರದ ಹೊಂಡ ನಿರ್ಮಾಣ, ವಾಹನ ಸವಾರರೇ ಎಚ್ಚರ!!

ಕಳೆದ ನಾಲ್ಕು ಮಳೆಗೆ ಕಾಸಿನಗಲ ಇದ್ದ ಡಾಂಬರು ರಸ್ತೆಯ ಹೊಂಡ ಕೆರೆಯಂತಾಗಿದೆ. ನೀರು ತುಂಬಿ ವಾಹನ ಸವಾರರ ದಿಕ್ಕು ತಪ್ಪಿಸುತ್ತಿದೆ. ಹೆದ್ದಾರಿ ಅದೃಶ್ಯವಾಗಿದೆ. ಅದರ ಬದಲಾಗಿ ಕೆಸರು, ಮಣ್ಣು ರಸ್ತೆಗೇ ಬಂದಿದೆ. ಮಳೆ ನೀರು ಹರಿದುಹೋಗಲು ವ್ಯವಸ್ಥೆ ಮಾಡುತ್ತೇವೆ ಎಂದು ಜನಪ್ರನಿಧಿಗಳ ಮುಂದೆ ಭರವಸೆ ನೀಡಿದ ಅಧಿಕಾರಿಗಳ ಮಾತು ‘ಬೊಳ್ಳ’ದಲ್ಲಿ ಹೋಗಿದೆ.

ಜಾಹೀರಾತು

ಬಿ.ಸಿ.ರೋಡ್ ಅಡ್ಡಹೊಳೆ ಚತುಷ್ಪಥ ರಸ್ತೆ ಕಾಮಗಾರಿ ನಡೆಯುವ ಜಾಗದ ಬಿ.ಸಿ.ರೋಡ್ ನಿಂದ ಮಾಣಿವರೆಗಿನ ರಸ್ತೆಗಳು ಅಕ್ಷರಶಃ ನಾಶವಾಗಿದೆ. ಬಿ.ಸಿ.ರೋಡ್ ಅಡ್ಡಹೊಳೆ ಮಾರ್ಗದಲ್ಲಿ ಬಿ.ಸಿ.ರೋಡ್ ನಿಂದ ಪಾಣೆಮಂಗಳೂರು ಸರ್ವೀಸ್ ರೋಡ್ ಆರಂಭದಲ್ಲೇ ಹೊಂಡ ಕಾಣಿಸುತ್ತದೆ. ಮೆಲ್ಕಾರ್ ತಲುಪುವ ಹೊತ್ತಿಗೆ ಅಲ್ಲಲ್ಲಿ ಹೊಂಡಗಳು ಗೋಚರಿಸುತ್ತವೆ. ಮೆಲ್ಕಾರ್ ನಿಂದ ಮುಂದಕ್ಕೆ ಹೋದಾಗ, ಕಲ್ಲಡ್ಕ ಪೇಟೆಯಲ್ಲಿ ಇಡೀ ರಸ್ತೆಯೇ ನಾಶವಾಗಿದೆ. ಅಲ್ಲಿಂದ ಪೂರ್ಲಿಪ್ಪಾಡಿ ತಲುಪುವ ವೇಳೆ ಹೊಂಡಗಳ ಸಾಮ್ರಾಜ್ಯ. ಮಾಣಿ ಜಂಕ್ಷನ್ ತಲುಪುವ ಹೊತ್ತಿಗೇ ಮತ್ತೆ ಸಮಸ್ಯೆಗಳು. ಇನ್ನು ಮೆಲ್ಕಾರ್, ಪಾಣೆಮಂಗಳೂರು, ಮಾಣಿಯ ಅಂಡರ್ ಪಾಸ್ ಗಳು ನರಕದ ಇನ್ನೊಂದು ರೂಪಗಳಾಗಿವೆ.

ಜಾಹೀರಾತು

Harish Mambady

ಸುಮಾರು 27 ವರ್ಷಗಳ ಕಾಲ ಮುದ್ರಣ ಮಾಧ್ಯಮ ಹಾಗೂ ಡಿಜಿಟಲ್ ಮಾಧ್ಯಮದಲ್ಲಿ ಅನುಭವವಿರುವ ಪತ್ರಕರ್ತ ಹರೀಶ ಮಾಂಬಾಡಿ 2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಕುರಿತು ದೈನಂದಿನ ಸುದ್ದಿ ನೀಡುವ ಮೊದಲ ವೆಬ್ ಪತ್ರಿಕೆ ಇದು. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಪ್ರಸ್ತುತ 10ನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. ವಿ.ಸೂ: ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟವಾಗುವ ಲೇಖನ ಹಾಗೂ ಜಾಹೀರಾತುಗಳಿಗೆ ಸಂಬಂಧಪಟ್ಟವರೇ ಹೊಣೆಗಾರರಾಗುತ್ತಾರೆ. ಅದಕ್ಕೂ ಬಂಟ್ವಾಳನ್ಯೂಸ್ ಗೂ ಸಂಬಂಧವಿರುವುದಿಲ್ಲ. --- ಹರೀಶ ಮಾಂಬಾಡಿ, ಸಂಪಾದಕNOTE: : All opinions regarding the articles published in bantwalnews and the related topic are those of the author, and this has no relation to BantwalNews. Recommendations and suggestions provided here are left for the readers' consideration.