ಬಂಟ್ವಾಳ: ಬಂಟ್ವಾಳ ತಾಲೂಕಿನ ಮಣಿನಾಲ್ಕೂರು ಗ್ರಾಮದ ಪುನ್ಕೆದಡಿ ಎಂಬಲ್ಲಿ ಲೋಕೇಶ ಪೂಜಾರಿ ಎಂಬವರ ಮನೆಗೆ ಬುಧವಾರ ಬೆಳಗ್ಗೆ ಸುಮಾರು 2 ಗಂಟೆ ವೇಳೆ ಸಿಡಿಲು ಬಡಿದು ಅಪಾರ ಹಾನಿ ಸಂಭವಿಸಿದೆ. ಮನೆ ಮಂದಿ ಸಂಬಂಧಿಕರ ಮನೆಗೆ ಹೋಗಿದ್ದ ಕಾರಣ ಜೀವಹಾನಿ ಸಂಭವಿಸಿಲ್ಲ. ಸಣ್ಣಪುಟ್ಟ ಕ್ಯಾಟರಿಂಗ್ ನಿರ್ವಹಿಸುತ್ತಿದ್ದ ಲೋಕೇಶ ಪೂಜಾರಿ ಅವರ ಮನೆಗೆ ಸಿಡಿಲು ಬಡಿದಿದ್ದರೆ, ಬದುಕಿಗೂ ಆಘಾತ ತಂದಂತಾಗಿದೆ. ಉಟ್ಟ ಬಟ್ಟೆ ಹೊರತು ಉಳಿದೆಲ್ಲವೂ ಅಗ್ನಿಗೆ ಆಹುತಿಯಾಗಿದೆ. ಆಹಾರ ಪದಾರ್ಥಗಳು ಮತ್ತು ಅಗತ್ಯ ದಾಖಲೆಗಳು ಸುಟ್ಟಿಹೋಗಿವೆ. ಸಾಲವಾಗಿ ತಂದಿದ್ದ 15 ಸಾವಿರ ರೂಪಾಯಿ ಕೂಡಾ ನಾಶವಾಗಿದೆ.