ಬಂಟ್ವಾಳ: ಮೌಲ್ಯಯುತ ಶಿಕ್ಷಣ ಸಿಕ್ಕಾದ ವ್ಯಕ್ತಿಗೆ ಉತ್ತಮ ಸೇವೆ ಮಾಡಲು ಸಾಧ್ಯವಿದೆ ಎಂದು ಮೊಡಂಕಾಪು ಚರ್ಚಿನ ಧರ್ಮಗುರು ವಂ. ವಲೇರಿಯನ್ ಡಿಸೋಜಾ ಹೇಳಿದರು. ರೋಟರಿ ಕ್ಲಬ್ ಮೊಡಂಕಾಪು ವತಿಯಿಂದ ಮೊಡಂಕಾಪು ದೀಪಿಕಾ ಪ್ರೌಢಶಾಲೆಯ ಶ್ರೀಮತಿ ಸುಶೀಲ ಜನಾರ್ದನ ಶೆಟ್ಟಿ ಸಭಾಭವನದಲ್ಲಿ ಶಿಕ್ಷಕ ದಿನಾಚರಣೆಯ ಅಂಗವಾಗಿ ನಡೆದ ಶಿಕ್ಷಕರಿಗೆ ಸನ್ಮಾನ ಕಾರ್ಯಕ್ರಮದಲ್ಲಿ ಸನ್ಮಾನ ನೆರವೇರಿಸಿ ಆಶೀರ್ವಚನ ನೀಡಿದರು.
ಬಂಟ್ವಾಳ ಕಸಾಪ ಮಾಜಿ ಅಧ್ಯಕ್ಷ ಜಯಾನಂದ ಪೆರಾಜೆ, ನಿವೃತ್ತ ಶಿಕ್ಷಕ ಸುಬ್ರಹ್ಮಣ್ಯ ಭಟ್, ಸುಜೀರು ಶಾಲೆಯ ಶಿಕ್ಷಕ ಮಹಮ್ಮದ್ ತುಂಬೆ, ರೋಟರಿ ಕ್ಲಬ್ ಬಂಟ್ವಾಳದ ಮಾಜಿ ಅಧ್ಯಕ್ಷ ನಾರಾಯಣ ಹೆಗ್ಡೆ ಭಾಗವಹಿಸಿದ್ದರು. ಶಿಕ್ಷಕ ಸಾಧು ಸ್ವಾಗತಿಸಿದರು. ರೋಟರಿ ಕ್ಲಬ್ ಮೊಡಂಕಾಪಿನ ಕಾರ್ಯದರ್ಶಿ ಪಿ.ಎ. ರಹೀಂ ವಂದಿಸಿದರು. ನಿಯೋಜಿತ ಅಧ್ಯಕ್ಷ ಡಾ. ಗೋವರ್ಧನ ರಾವ್ ಕಾರ್ಯಕ್ರಮ ನಿರೂಪಿಸಿದರು. ಕೋಶಾಧಿಕಾರಿ ಪ್ರೀಮಾ ಫೆರ್ನಾಂಡಿಸ್, ಸದಸ್ಯ ಪೌಲ್ ಕಾರ್ಲೋ ಸಹಕರಿಸಿದರು.