ಮಂಚಿ ಹಾಗೂ ಇರಾ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕುಕ್ಕಾಜೆ ಪರಿಸರದಲ್ಲಿ ಕೊರೊನ ಲೊಕ್ ಡೌನ್ ಸಂಕಷ್ಟ ಪೀಡಿತ ಸುಮಾರು 60 ಕುಟುಂಬಗಳಿಗೆ ಇರಾ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಅಬ್ದುಲ್ ರಝಾಕ್ ಕುಕ್ಕಾಜೆ, ಮಂಚಿ ಗ್ರಾಮ ಪಂಚಾಯತ್ ಸದಸ್ಯರಾದ ಸಮೀಯುಲ್ಲಾ, ಸಾಮಾಜಿಕ ಕಾರ್ಯಕರ್ತರಾದ ಉಸ್ಮಾನ್ ಕುಕ್ಕಾಜೆ ನೇತೃತ್ವದಲ್ಲಿ ದಾನಿಗಳ ನೆರವಿನೊಂದಿಗೆ ದಿನಬಳಕೆ ಆಹಾರ ಪದಾರ್ಥಗಳ ಕಿಟ್ ವಿತರಿಸಲಾಯಿತು.
ಮಹಮ್ಮದ್ ಇರಾ, ಮೊಯಿದಿನ್ ಕಲ್ಲಮರೈ, ಮೊಹಮ್ಮದ್ ಪದವು, ಮೊಯಿದಿ ಕುಂಞಿ ದರ್ಬೆ, ಅಹಮ್ಮದ್ ಬಾವ ಕುಕ್ಕಾಜೆ, ಇಬ್ರಾಹಿಂ ಬೈಲ್, ಉಸ್ಮಾನ್ ಪದವು, ಸಮದ್ ಕುಕ್ಕಾಜೆ ಇವರ ಸಹಕಾರದ ಮೂಲಕ ಮಂಚಿ ಇರಾ ಗ್ರಾಮಗಳ ವ್ಯಾಪ್ತಿಯಲ್ಲಿ ಈತನಕ ಒಟ್ಟು 320 ಕುಟುಂಬಗಳಿಗೆ ಕಿಟ್ ವಿತರಿಸಲಾಗಿದೆ ಎಂದು ಇರಾ ಗ್ರಾಪಂ ಅಧ್ಯಕ್ಷ ರಝಾಕ್ ಕುಕ್ಕಾಜೆ ತಿಳಿಸಿದ್ದಾರೆ.