ಬಿ.ಸಿ.ರೋಡ್ ರೈಲ್ವೆ ಮಾರ್ಗದ ಬಳಿಯೇ ಇರುವ ಪೊಸಳ್ಳಿಯನ್ನು ಸಂಪರ್ಕಿಸುವ ರಸ್ತೆಯಲ್ಲಿ ಬೃಹತ್ ಹೊಂಡವೊಂದು ಕಳೆದ ಕೆಲ ದಿನಗಳಿಂದ ಕಂಡುಬಂದಿದ್ದು, ಅಪಾಯಕಾರಿಯಾಗಿದೆ. ಬುಧವಾರ ಇಲ್ಲಿ ವ್ಯಕ್ತಿಯೊಬ್ಬ ಆಯತಪ್ಪಿ ಬಿದ್ದರೆ, ಗುರುವಾರ ಬೆಳಗ್ಗೆ ಹಸುವೊಂದು ಬಿದ್ದು ಪರದಾಡಬೇಕಾಯಿತು. ರೈಲ್ವೆ ಟ್ರ್ಯಾಕ್ ಗೆ ಸಮಾನಾಂತರವಾಗಿ ಇರುವ ಈ ರಸ್ತೆಯು ಬ್ರಹ್ಮಶ್ರೀ ನಾರಾಯಣಗುರು ವೃತ್ತಕ್ಕೆ ಸೇರುತ್ತದೆ. ಇಲ್ಲಿ ಸುತ್ತಮುತ್ತಲು ಕೆಲ ಮನೆಗಳಿದ್ದು, ಹತ್ತಿರದಲ್ಲಿ ಕುಲಾಲ ಸಮುದಾಯ ಭವನವೂ ಇದೆ. ಈ ಪರಿಸರದಲ್ಲಿ ಹಲವಾರು ಮಂದಿ ದಿನನಿತ್ಯ ನಡೆದುಕೊಂಡು ಹೋಗುತ್ತಿದ್ದು, ಜಾನುವಾರುಗಳೂ ಸಂಚರಿಸುತ್ತವೆ. ಆದರೆ ಘನ ವಾಹನವೊಂದರ ಆಘಾತದಿಂದ ರಸ್ತೆ ಕುಸಿದಿದೆ ಎನ್ನಲಾಗಿದ್ದು, ಇದಕ್ಕೆ ಪರಿಹಾರ ಕ್ರಮವನ್ನು ಕೈಗೊಳ್ಳಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
www.bantwalnews.com ಸಂಪಾದಕ: ಹರೀಶ ಮಾಂಬಾಡಿ. ದೂರವಾಣಿ 9448548127