ಪಾಣೆಮಂಗಳೂರು ಹೋಬಳಿಗೆ ಸಂಬಂಧಿಸಿ ವಿಶೇಷ ಆಧಾರ್ ನೋಂದಣಿ ಕಾರ್ಯ ಡಿ.20ರಿಂದ 24ರವರೆಗೆ ನಡೆಯಲಿದೆ. ದ.ಕ.ಜಿ.ಪಂ.ಹಿ.ಪ್ರಾ.ಶಾಲೆ ಹೂಹಾಕುವಕಲ್ಲು ವಿನಲ್ಲಿ ಡಿ.20ರಂದು ಫಜೀರು, ಕುರ್ನಾಡು, ಬಾಳೇಪುಣಿ, ಕೈರಂಗಳ, ಇರಾ, ನರಿಂಗಾನ, ಚೇಳೂರು, ಸಜೀಪನಡು ಮತ್ತು ಸಜೀಪಪಡು ಗ್ರಾಮಗಳ ವ್ಯಾಪ್ತಿಯವರು ಭಾಗವಹಿಸಲು ಅವಕಾಶವಿದೆ. 21ರಂದು ಕಲ್ಲಡ್ಕ ದ.ಕ.ಜಿ.ಪಂ.ಮಾ.ಹಿ.ಪ್ರಾ.ಶಾಲೆಯಲ್ಲಿ ಗೋಳ್ತಮಜಲು, ಅಮ್ಟೂರು, ಕಡೇಶಿವಾಲಯ, ಬರಿಮಾರು, ಸಜೀಪಮೂಡ, ಸಜೀಪಮುನ್ನೂರು, ಬಾಳ್ತಿಲ ಗ್ರಾಮ ವ್ಯಾಪ್ತಿಯವರಿಗೆ ಅವಕಾಶವಿದ್ದರೆ, 23ರಂದು ಬಿ.ಸಿ.ರೋಡಿನ ರೋಟರಿ ಭವನದಲ್ಲಿ ಬಿ.ಮೂಡ, ಪಾಣೆಮಂಗಳೂರು, ಬಡಗಬೆಳ್ಳೂರು, ತೆಂಕಬೆಳ್ಳೂರು, ನರಿಕೊಂಬು, ಶಂಭೂರು, ಮಂಚಿ ಗ್ರಾಮದವರಿಗೆ ಅವಕಾಶವಿದೆ. 24ರಂದು ಫರಂಗಿಪೇಟೆ ಸೇವಾಂಜಲಿಯಲ್ಲಿ ಮೇರಮಜಲು, ಕೊಡ್ಮಣ್, ತುಂಬೆ, ಕಳ್ಳಿಗೆ, ಪುದು, ಅಮ್ಮುಂಜೆ, ಕರಿಯಂಗಳ ಗ್ರಾಮದವರಿಗೆ ವಿಶೇಷ ಆಧಾರ್ ನೋಂದಣಿ ಮಾಡಿಸಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ ಎಂದು ತಹಸೀಲ್ದಾರ್ ರಶ್ಮಿ ಎಸ್.ಆರ್. ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.