ಮಂಗಳವಾರ ಬಿ.ಸಿ.ರೋಡಿನ ಕೆಎಸ್ಸಾರ್ಟಿಸಿ ಬಸ್ ನಿಲ್ದಾಣದ ಹಿಂಭಾಗದ ಮೈದಾನದಲ್ಲಿ ನಡೆದ ಅಮೆಚೂರ್ ಕಬಡ್ಡಿ ಎಸೋಸಿಯೇಶನ್ ಆಯೋಜನೆಯ ತಾಲೂಕು ಮಟ್ಟದ ಮ್ಯಾಟ್ ಕಬಡ್ಡಿ ಪಂದ್ಯಾವಳಿಯಲ್ಲಿ ಬಂಟ್ವಾಳದ ಭದ್ರಾ ಚಾಲೆಂಜರ್ಸ್ ತಂಡ ಜಯಶಾಲಿಯಾಗಿದ್ದು, ತಾಲೂಕು ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
ದ್ವಿತೀಯ ಸ್ಥಾನವನ್ನು ಎಲ್.ವಿ.ಎಸ್.ಎಸ್. ಜಾರಂದಗುಡ್ಡೆ, ತೃತೀಯ ಸ್ಥಾನವನ್ನು ಶ್ರೀ ಷಣ್ಮುಖ ತಂಡ ಕೋಲ್ಪೆ, ನಾಲ್ಕನೇ ಸ್ಥಾನವನ್ನು ನವಯುಗ ಕುಕ್ಕಾಜೆ ತಂಡ ಪಡೆದುಕೊಂಡಿತು.
ಉತ್ತಮ ದಾಳಿಗಾರರಾಗಿ ಜಾರಂದಗುಡ್ಡೆ ತಂಡದ ರಂಜಿತ್ ಆಯ್ಕೆಯಾಗಿ ಬಹುಮಾನ ಪಡೆದರು. ಭದ್ರಾ ತಂಡದ ಹರ್ಷಿದ್ ಉತ್ತಮ ಹಿಡಿತಗಾರ ಹಾಗೂ ಅದೇ ತಂಡದ ರಹೀಂ ಆಲ್ ರೌಂಡರ್ ಆಗಿ ಹೊರಹೊಮ್ಮಿದರು. ಬಹುಮಾನ ವಿತರಣೆ ಸಂದರ್ಭ ಸುವರ್ಣ ಮಹೋತ್ಸವ ಆಚರಿಸುತ್ತಿರುವ ರೋಟರಿ ಕ್ಲಬ್ ಬಂಟ್ವಾಳ ಅಧ್ಯಕ್ಷ ಹಾಗೂ ಭದ್ರಾ ಚಾಲೆಂಜರ್ಸ್ ತಂಡದ ಪ್ರವರ್ತಕ ಮಂಜುನಾಥ ಆಚಾರ್ಯ, ಅಮೆಚೂರ್ ಕಬಡ್ಡಿ ಎಸೋಸಿಯೇಶನ್ ಅಧ್ಯಕ್ಷ ಬೇಬಿ ಕುಂದರ್, ಕಾರ್ಯಾಧ್ಯಕ್ಷ ಪುಷ್ಪರಾಜ ಚೌಟ, ಎಸೋಸಿಯೇಶನ್ ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ಕರ್ಣ, ಜತೆ ಕಾರ್ಯದರ್ಶಿ ಲತೀಫ್ ನೇರಳೆಕಟ್ಟೆ, ತೀರ್ಪುಗಾರ ಮಂಡಳಿ ಅಧ್ಯಕ್ಷ ಸುರೇಶ್ ಮೈರಡ್ಕ, ತೀರ್ಪುಗಾರರ ಮಂಡಳಿಯ ಸಂಚಾಲಕ ಹಬೀಬ್ ಮಾಣಿ, ಪ್ರಮುಖರಾದ ಹಿಲ್ಡಾ ವೇಗಸ್, ಗೋಪಾಲಕೃಷ್ಣ ತುಂಬೆ ಉಪಸ್ಥಿತರಿದ್ದರು.