ದ.ಕ., ಉಡುಪಿ ಜಿಲ್ಲಾ ಗ್ಯಾರೇಜು ಮಾಲಕರ ಸಂಘ ಮಂಗಳೂರು ಇವರ ವತಿಯಿಂದ ಜಿಲ್ಲಾ ಸಂಘದ ಸ್ಥಾಪಕ ಅಧ್ಯಕ್ಷರಾದ ದಿ. ತಿಲಕ್‌ರಾಜ್‌ರವರ ಸವಿನೆನಪಿಗಾಗಿ ಕೊಡಮಾಡುವ ತಿಲಕ್‌ರಾಜ್ ಕಾಯಕಯೋಗಿ ಪ್ರಶಸ್ತಿಗೆ ಉಭಯ ಜಿಲ್ಲೆಯ ವಲಯದಲ್ಲಿ ಅತ್ಯತ್ತಮ ಸೇವೆ ಮಾಡಿದ ಬಂಟ್ವಾಳದ ಸಂಚಯಗಿರಿಯ ಸುಧಾಕರ ಸಾಲ್ಯಾನ್ ಆಯ್ಕೆಯಾಗಿದ್ದಾರೆ.
ಬಂಟ್ವಾಳ ವಲಯ ಗ್ಯಾರೇಜು ಮಾಲಕರ ಸಂಘದ ಉಪಾಧ್ಯಕ್ಷರಾಗಿ, ಅಧ್ಯಕ್ಷರಾಗಿ ಪ್ರಸ್ತುತ ಸಲಹೆಗಾರರರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಸತತ ಆರು ವರ್ಷಗಳಿಂದ ದ.ಕ., ಉಡುಪಿ ಜಿಲ್ಲಾ ಮಟ್ಟದ ಚಟುವಟಿಕೆಗಳಲ್ಲಿ ಬಂಟ್ವಾಳ ವಲಯಕ್ಕೆ ಪ್ರಶಸ್ತಿಗಳು ಬರುವಲ್ಲಿ ಸುಧಾಕರ ಸಾಲ್ಯಾನ್ ಪ್ರಮುಖ ಪಾತ್ರ ವಹಿಸಿದ್ದಾರೆ. ರೋಟರಿ ಕ್ಲಬ್ ಬಂಟ್ವಾಳ ಟೌನ್ ಇದರ ಮೆಂಬರ್‌ಶಿಪ್ ಚೇರ್ ಪರ್ಸನ್ ಆಗಿ, ವರ್ತಕರ ವಿವಿದ್ದೋದ್ದೇಶ ಸಹಕಾರಿ ಸಂಘದ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ನ.25ರಂದು ಕಡೆಮುಗೇರುವಿನಲ್ಲಿ ನಡೆಯಲಿರುವ ಜಿಲ್ಲಾ ಸಂಘದ ಕಾರ್ಯಕ್ರಮದಲ್ಲಿ ಈ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ.