ರಾಮ ಭಜನಾ ಮಂದಿರ ಸ್ಥಾಪಕ ಸದಸ್ಯ ಬಿ.ಉಗ್ಗಪ್ಪ ಪೂಜಾರಿ ನಿಧನ

ಬಿ.ಸಿ.ರೋಡ್ ಬಿ.ಮೂಡ ಗ್ರಾಮದ ಅಜ್ಜಿಬೆಟ್ಟು ನಿವಾಸಿ ಬೀಡಿ ಕಂಟ್ರಾಕ್ಟರ್ ಬಿ.ಉಗ್ಗಪ್ಪ ಪೂಜಾರಿ (85) ಅಲ್ಪಕಾಲದ ಅಸೌಖ್ಯದಿಂದ ಸ್ವಗೃಹದಲ್ಲಿ ನಿಧನಹೊಂದಿದರು.

ಬಿ ಸಿ ರೋಡು ಶ್ರೀ ರಾಮ ಭಜನ ಮಂದಿರಾದ ಸ್ಥಾಪನೆ ರೂವಾರಿ ಆಗಿದ್ದ ಅವರು, ಶ್ರೀ ರಾಮ ಭಜನ ಮಂದಿರದ ಹಾಗೂ ಶ್ರೀ ರಾಮ ವ್ಯಾಯಮ ಶಾಲೆಯ ಸ್ಥಾಪಕ ಸದಸ್ಯರಾಗಿ ಕಾರ್ಯನಿರ್ವಹಿಸಿದ್ದರು. ಬಂಟ್ವಾಳ ತಾಲೂಕು ಬಿಲ್ಲವ ಸಮಾಜ ಸೇವದ ಮಾಜಿ ಅಧ್ಯಕ್ಷರಾಗಿ ಹಲವು ಸಂಘ, ಸಂಸ್ಥೆಗಳಲ್ಲಿ ಅವರು ಸಕ್ರಿಯರಾಗಿ ಹಿಂದೆ ಕಾರ್ಯನಿರ್ವಹಿಸಿದ್ದರು. ಅವರು ಪತ್ನಿ, ಆರು ಪುತ್ರರು ಓರ್ವ ಪುತ್ರಿಯನ್ನು ಅಗಲಿದ್ದಾರೆ. ಮಾಜಿ ಸಚಿವ ಬಿ.ರಮಾನಾಥ ರೈ ಮತ್ತು ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಮೃತರ ಮನೆಗೆ ಭೇಟಿ ನೀಡಿ ಸಂತಾಪ ಸೂಚಿಸಿದರು.