ಬಿ.ಸಿ.ರೋಡ್ ಹೃದಯಭಾಗದ ರಸ್ತೆ ಸಮಸ್ಯೆಗೆ ತಾತ್ಕಾಲಿಕ ಮುಕ್ತಿ

www.bantwalnews.com – ಸಂಪಾದಕ: ಹರೀಶ ಮಾಂಬಾಡಿ

ಕೊನೆಗೂ ಬಿ.ಸಿ.ರೋಡ್ ಹೃದಯಭಾಗದಲ್ಲಿರುವ ಹೆದ್ದಾರಿಯ ಹೊಂಡದ ಸಮಸ್ಯೆಗೆ ತಾತ್ಕಾಲಿಕ ಮುಕ್ತಿ ದೊರಕಿದೆ. ಬಿ.ಸಿ.ರೋಡ್ ಕೈಕಂಬದವರೆಗೂ ಹೆದ್ದಾರಿ ಸಂಪೂರ್ಣ ಹದಗೆಟ್ಟಿದ್ದು, ಅಲ್ಲಲ್ಲಿ ಹೊಂಡಗಳು ಎದ್ದು ಸಂಚಾರಕ್ಕೆ ತೊಂದರೆ ಉಂಟಾಗಿತ್ತು. ಹೆದ್ದಾರಿಯಲ್ಲಿ ಹೊಂಡದಿಂದ ಟ್ರಾಫಿಕ್ ಸಮಸ್ಯೆ ಉಂಟಾಗುವುದರ ಕುರಿತು ಬಂಟ್ವಾಳ ಸಂಚಾರಿ ಪೊಲೀಸ್ ಠಾಣೆ ಎಸ್.ಐ. ಯಲ್ಲಪ್ಪ ಅವರು ಈ ಕುರಿತು ರಾಷ್ಟ್ರೀಯ ಹೆದ್ದಾರಿ ಇಲಾಖೆಗೆ ಲಿಖಿತ ರೂಪದಲ್ಲಿ ನೀಡಿದ ಮನವಿಗೆ ಇಲಾಖೆ ಸ್ಪಂದಿಸಿದ್ದು, ದೊಡ್ಡ ಗುಂಡಿಗಳಿಗೆ ಸಿಮೆಂಟ್ ಮತ್ತು ಜಲ್ಲಿಗಳನ್ನು ಹಾಕಿ ಮುಚ್ಚಲಾಯಿತು. ಸಣ್ಣ ಗುಂಡಿಗಳಿಗೆ ಮಂಗಳವಾರ ಮರಳು ಮಿಶ್ರಿತ ಜಲ್ಲಿ ಹಾಕಲಾಯಿತು. ಟ್ರಾಪಿಕ್ ಎಸ್.ಐ ಯಲ್ಲಪ್ಪ, ಎಎಸ್ಸೈ ಬಾಲಕೃಷ್ಣ ಮೊದಲಾದವರು ಈ ಸಂದರ್ಭ ಉಪಸ್ಥಿತರಿದ್ದು, ಸಮಸ್ಯೆಗಳ ಕುರಿತು ಮನವರಿಕೆ ಮಾಡಿದರು.

ಸಮಸ್ಯೆ ಕುರಿತು ಮಾಹಿತಿಗೆ ಇದನ್ನು ಓದಿರಿ (ವಿಡಿಯೋ ಇದೆ)