ಬಿ.ಸಿ.ರೋಡಿನ ಗೀತಾಂಜಲಿ ಕಲ್ಯಾಣ ಮಂಟಪದಲ್ಲಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ಸೇವಾ ಸಮಿತಿ, ಬಿ.ಸಿ.ರೋಡು ಆಶ್ರಯದಲ್ಲಿ ನಡೆದ ಶ್ರೀ ದುರ್ಗಾ ನಮಸ್ಕಾರ ಪೂಜಾ ಸಭಾ ಕಾರ್ಯಕ್ರಮದಲ್ಲಿಅತಿ ಹೆಚ್ಚು ಅಂಕ ಪಡೆದ ಎಸ್.ಎಸ್.ಎಲ್.ಸಿ., ಪಿ.ಯು.ಸಿ., ಡಿಗ್ರಿ, ವೃತ್ತಿ ಶಿಕ್ಷಣ ಕೋರ್ಸುಗಳ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸಮಿತಿ ವತಿಯಿಂದ ಚಿನ್ನದ ಪದಕವನ್ನು ನೀಡಿ ಪುರಸ್ಕರಿಸಲಾಯಿತು.
ಮಕ್ಕಳ ವ್ಯಕ್ತಿತ್ವ ವಿಕಸನ, ಗುರುವಿನ ಮಾರ್ಗದರ್ಶನ, ಹಿರಿಯರಿಗೆಗೌರವ ನೀಡುವ ಬಗ್ಗೆ ವಿವರಿಸಿ ಉತ್ತಮಜಿ.ಎಸ್.ಬಿ. ಸಮಾಜ ನಿರ್ಮಾಣವೇ ನಮ್ಮಗುರಿಯಾಗಬೇಕೆಂದು ಜಿ ಎಸ್ ಬಿ ಟೆಂಬಲ್ ಅಸೋಸಿಯೇಶನ್ ಹೆಬ್ರಿಯ ಕಾರ್ಯದರ್ಶಿ ಎ. ಮಾಧವ ಕಾಮತ್ ಹೇಳಿದರು.
ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಸ್ಥಾನದ ಮೊಕ್ತೇಸರ ಪ್ರಶಾಂತ್ ಪೈ ಮಾತನಾಡಿ, ಸ್ವ ಪ್ರತಿಷ್ಠೆ, ವೈಯುಕ್ತಿಕ ದ್ವೇಷಗಳನ್ನು ಬಿಟ್ಟು ಸಮಾಜದ ಧಾರ್ಮಿಕ ಚಿಂತನೆ ಹಾಗೂ ಆಚಾರ ವಿಚಾರಗಳನ್ನು ಮೈಗೂಡಿಸಿಗೊಂಡರೆ ಮುಂಬರುವ ಭವ್ಯ ಭವಿಷ್ಯಕ್ಕೆ ನಾಂದಿಯಾಗುತ್ತದೆ. ಎಂದು ಹೇಳಿದರು.
ಸಮಿತಿಯ ಅಧ್ಯಕ್ಷರಾದ ಯು. ಸುರೇಶ್ ನಾಯಕ್ ಸಭಾಧ್ಯಕ್ಷತೆಯನ್ನು ವಹಿಸಿದರು. ಸಮಿತಿಯ ದುರ್ಗಾದಾಸ್ ಶೆಣೈ, ರಘುವೀರ್ ಕಾಮತ್, ರಾಧಾಕೃಷ್ಣ ಬಾಳಿಗ, ಬಿ. ಕೃಷ್ಣ ನಾಯಕ್, ಅನಂತಕೃಷ್ಣ ನಾಯಕ್, ಪವನ್ಕುಮಾರ್ ನಾಯಕ್ ಹಾಗೂ ಇತರ ಸದಸ್ಯರು ಸಹಕರಿಸಿದರು. ಪ್ರಧಾನ ಕಾರ್ಯದರ್ಶಿ ಎಂ. ಸುಬ್ರಹ್ಮಣ್ಯ ಪೈ ಸ್ವಾಗತಿಸಿ, ಪ್ರಸ್ತಾವನೆಗೈದು ಕಾರ್ಯಕ್ರಮ ನಿರೂಪಿಸಿದರು.