ಮಂಗಳೂರಿನ ಕೃಷಿ ವಿಜ್ಞಾನ ಕೇಂದ್ರ ವತಿಯಿಂದ ಬಂಟ್ವಾಳ ತಾಲೂಕಿನ ಕರೋಪಾಡಿ ಗ್ರಾಮದಲ್ಲಿ ಹೊಸ ಭತ್ತದ ತಳಿ ಸಹ್ಯಾದ್ರಿಬ್ರಹ್ಮ ಕುರಿತು ತರಬೇತಿ ಮತ್ತು ಕೃಷಿ ಕ್ಷೇತ್ರ ಭೇಟಿ ಕಾರ್ಯಕ್ರಮ ನಡೆಯಿತು.
ದಕ್ಷಿಣ ಕನ್ನಡ ಜಿಲ್ಲೆಗೆ ಮುಂಗಾರು ಹಂಗಾಮಿಗೆ ಶಿಫಾರಸ್ಸು ಮಾಡಿರುವ ಎಮ್‌ಓ-೪ ತಳಿಯ ಪರ್ಯಾಯವಾಗಿ ಹೊಸ ಭತ್ತದ ತಳಿ ಸಹ್ಯಾದ್ರಿ ಬ್ರಹ್ಮ ಅಭಿವೃಪಡಿಸಲಾಗಿದ್ದು ಈ ತಳಿಯ ವಿಶೇಷತೆ ಕುರಿತು ಕೃಷಿ ವಿಜ್ಞಾನ ಕೇಂದ್ರದ ಬೇಸಾಯ ಶಾಸ್ತ್ರತಜ್ಞರಾದ ಹರೀಶ್ ಶೆಣೈ ಮಾಹಿತಿ ನೀಡಿ ತರಬೇತಿ ನಡೆಸಿಕೊಟ್ಟರು. ಕೃಷಿ ವಿಜ್ಞಾನ ಕೇಂದ್ರದ ಮಣ್ಣುವಿಜ್ಞಾನಿಗಳಾದ ಡಾ. ಮಲ್ಲಿಕಾರ್ಜುನ್ ಭತ್ತದಲ್ಲಿ ಸಮಗ್ರ ಪೋಷಕಾಂಶ ನಿರ್ವಹಣೆ ಕುರಿತು ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ಕರೋಪಾಡಿ ಗ್ರಾಮದ ಪ್ರಗತಿಪರ ಕೃಷಿಕರಾದ ಜಾನ್ ಮೊಂಟೆರಿಯೊ ಇವರ ಕೃಷಿ ಕ್ಷೇತ್ರಕ್ಕೆ ಭೇಟಿ ನೀಡಿ ಯಾಂತ್ರೀಕೃತವಾಗಿ ನಾಟಿ ಮಾಡಿರುವ ಸಹ್ಯಾದ್ರಿಬ್ರಹ್ಮ ಭತ್ತದ ತಳಿಯನ್ನು ವೀಕ್ಷಿಸಲಾಯಿತು. ಗ್ರಾಮದ ಸುಮಾರು೧೫ ಜನ ಕೃಷಿಕರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದರು.