ಬಂಟ್ವಾಳ: ಬಂಟ್ವಾಳ ತಾಲೂಕಿನ ಶಂಭೂರು ಗ್ರಾಮದ ಶ್ರೀ ಕಲ್ಲಮಾಳಿಗೆ ಇಷ್ಟದೇವತಾ ಮುಂಡಿತ್ತಾಯ ದೈವಸ್ಥಾನದ ವ್ಯವಸ್ಥಾಪನಾ ಸಮಿತಿ ಸಭೆಯು ಆಡಳಿತಾಧಿಕಾರಿ, ಗ್ರಾಮಕರಣಿಕರಾದ ಯಶ್ವಿತಾ ಅವರ ಉಪಸ್ಥಿತಿಯಲ್ಲಿ ನಡೆಯಿತು.
ಈ ಸಂದರ್ಭ ನೂತನ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷರಾಗಿ ಗಣೇಶ್ ಪ್ರಸಾದ್ ಜೆ ಪೂಜಾರಿಯವರನ್ನು ಸರ್ವಸದಸ್ಯರು ಒಮ್ಮತದಿಂದ ಆಯ್ಕೆಮಾಡಿದರು. ನೂತನ ಅಧ್ಯಕ್ಷರಿಗೆ ಆಡಳಿತಾಧಿಕಾರಿ ಅಧಿಕಾರ ಹಸ್ತಾಂತರಿಸಿದರು. ಈ ನೂತನ ಸಮಿತಿಯ ಅವಧಿಯು ಮೂರು ವರ್ಷದ್ದಾಗಿರುತ್ತದೆ.
ಈ ಸಂದರ್ಭದಲ್ಲಿ ಪ್ರಮುಖರಾದ ಬೋಗನಾಥ ಏಲಬೆ, ಕೆ.ನಿರಂಜನ ಕೊಲ್ಲೂರು, ವಾಸು ಅಡ್ಡದಪಾದೆ, ಲೋಕೇಶ್ ಪಚ್ಚಿನಡ್ಕ, ಯೋಗೀಶ್ ಸ್ಥಾನದಮನೆ, ಸಂಜೀವ ಶಂಭೂರು, ಪುಷ್ಪ ಸುರೇಶ್ ಬರ್ಕೆ, ಜಯಂತಿ ಆನಂದ ಕೆರೆಕೋಡಿ ಮತ್ತಿತರರು ಉಪಸ್ಥಿತರಿದ್ದರು.