ಬಂಟ್ವಾಳ: ಜೇಸಿಐ ಬಂಟ್ವಾಳದ ವತಿಯಿಂದ ತಾಲೂಕಿನ ವಿವಿಧ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸಿ ಮೌನ ಸಾಧಕರೆನಿಸಿಕೊಂಡವರಿಗೆ ಜೇಸಿಐನ ಸೆಲ್ಯೂಟ್ ಟು ಸೈಲೆಂಟ್ ವರ್ಕರ್ಸ್ ಕಾರ್ಯಕ್ರಮದ ಭಾಗವಾಗಿ ಗೌರವಾರ್ಪಣೆಯ ಭಾವಸಿಂಧು ಕಾರ್ಯಕ್ರಮ ಅ. 30ರಂದು ಬೆಳಗ್ಗೆ 10ಕ್ಕೆ ಬಂಟ್ವಾಳದ ಸ್ಪರ್ಶ ಕಲಾಮಂದಿರದಲ್ಲಿ ನಡೆಯಲಿದೆ ಎಂದು ಬಂಟ್ವಾಳ ಜೇಸಿಐ ಅಧ್ಯಕ್ಷ ರೋಶನ್ ಕೆ.ರೈ ತಿಳಿಸಿದರು.
ಬಿ.ಸಿ.,ರೋಡಿನ ಪ್ರೆಸ್‌ಕ್ಲಬ್‌ನಲ್ಲಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿ, ಕಾರ್ಯಕ್ರಮದಲ್ಲಿ ಆಶಾ-ಅಂಗನವಾಡಿ ಕಾರ್ಯಕರ್ತೆಯರು, ಬಿಸಿಯೂಟ ಸಿಬಂದಿ, ಮಾಜಿ ಯೋಧರು, ಪ್ರಗತಿಪರ ಕೃಷಿಕರು, ಸಮಾಜ ಸೇವಕರು, ಪವರ್‌ಮೆನ್‌ಗಳು ಸೇರಿದಂತೆ ಸುಮಾರು 12 ವಿಭಾಗಗಳ 100ಕ್ಕೂ ಅಧಿಕ ಮೌನ ಸಾಧಕರನ್ನು ಸನ್ಮಾನಿಸಲಿರುವುದಾಗಿ ತಿಳಿಸಿದರು. ಪತ್ರಿಕಾಗೋಷ್ಠಿಯಲ್ಲಿ ಬಂಟ್ವಾಳ ಜೇಸಿಐ ಪ್ರಮುಖರಾದ ಉಮೇಶ್ ಆರ್.ಮೂಲ್ಯ, ಸದಾನಂದ ಬಂಗೇರ, ಸಂತೋಷ್ ಜೈನ್, ಕಿಶೋರ್ ಆಚಾರ್ಯ ಉಪಸ್ಥಿತರಿದ್ದರು.