ಬಂಟ್ವಾಳ: ಬಿ.ಸಿ.ರೋಡಿನ ಶಾಂತಿಅಂಗಡಿ ಸಮೀಪ ತಲಪಾಡಿ ಎಂಬಲ್ಲಿ ಸ್ಥಳೀಯ ಮಹಮ್ಮದ್ ಆಸಿಫ್ ಎಂಬಾತನನ್ನು ಸೋಮವಾರ ಮಧ್ಯರಾತ್ರಿ ಹತ್ಯೆ ನಡೆಸಲಾಗಿದೆ.
ಮಹಮ್ಮದ್ ನೌಫೆಲ್ ಮಾರಿಪಳ್ಳ ಮಹಮ್ಮದ್ ನೌಸೀರ ಮಾರಿಪಳ್ಳ ಆರೋಪಿಗಳು ಎಂದು ಪೊಲೀಸರು ತಿಳಿಸಿದ್ದು, ವಿಚಾರಣೆ ನಡೆಸಲಾಗುತ್ತಿದೆ.
ಸ್ಕೂಟರ್ ಗೆ ಹಾರನ್ ಹಾಕಿದ ವಿಚಾರ ಮಾತಿಗೆ ಮಾತು ಬೆಳೆದು ಘಟನೆಗೆ ಕಾರಣ ಎಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾದೆ. ಬಿ ಮೂಡ ಗ್ರಾಮದ ಪೊನ್ನೊಡಿಯ ಹೋಟೇಲ್ ಹತ್ತಿರ ತಡರಾತ್ರಿ ಮಾತಿನ ಚಕಮಕಿ ನಡೆದು ಬಳಿಕ ಈ ಹತ್ಯೆ ನಡೆದಿದೆ. ಮೃತ ಆಸಿಫ್ ಗೆಳೆಯ ನೌಫಲ್ ಶಾಂತಿಯಂಗಡಿ ಅವರಿಗೂ ಘಟನೆಯಲ್ಲಿ ಗಾಯಗಳಾಗಿವೆ. ಈ ಕುರಿತು ಮೃತ ಆಸಿಫ್ ಗೆಳೆಯ ನೌಫಲ್ ಶಾಂತಿಯಂಗಡಿ ನೀಡಿದ ದೂರಿನಂತೆ, ಕೊಲೆಯಾದ ಶಾಂತಿಯಂಗಡಿ ನಿವಾಸಿ ಆಸಿಫ್ ಗೂ ಆರೋಪಿಗಳಿಗೂ ಪೊನ್ನೋಡಿಯ ಹೋಟೆಲ್ ಬಳಿ ಮಾತಿನ ಚಕಮಕಿ ನಡೆದಿದ್ದು, ಸ್ನೇಹಿತನಿಗೆ ವಿಚಾರ ತಿಳಿಸಿದಾಗ, ವಿಚಾರಿಸಲು ತಾವು ಅಲ್ಲಿಗೆ ತೆರಳಿದ್ದಾಗ ಘಟನೆ ನಡೆದಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ನೀಡಿದ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.