ಬಂಟ್ವಾಳ: ಬಂಟ್ವಾಳ ಪುರಸಭೆಯ ಗೂಡಿನಬಳಿಯ 13ನೇ ವಾರ್ಡ್ ನ ಕೋವಿಡ್ ಕಾರ್ಯಪಡೆ ಸಭೆ ಟಾಸ್ಕ್ ಫೊರ್ಸ್ ಸಮಿತಿ ಅಧ್ಯಕ್ಷರೂ ಆಗಿರುವ ವಾರ್ಡ್ ಸದಸ್ಯೆ ಸಂಶಾದ್ ಬಾನು ಅಧ್ಯಕ್ಷತೆಯಲ್ಲಿ ಗೂಡಿನಬಳಿಯಲ್ಲಿ ನಡೆಯಿತು.
ಈ ಸಂದರ್ಭ ಪುರಸಭೆಯ ಆರೋಗ್ಯ ನಿರೀಕ್ಷಕ ಜಯಶಂಕರ ಪ್ರಸಾದ್, ಪುರಸಭೆ ವತಿಯಿಂದ ಕೋವಿಡ್ ನಿರ್ಮೂಲನೆ ಕುರಿತು ಕೈಗೊಂಡ ಕ್ರಮಗಳ ಕುರಿತು ತಿಳಿಸಿ, ಟಾಸ್ಕ್ ಫೋರ್ಸ್ ನ ಕಾರ್ಯವೈಖರಿ ಕುರಿತು ಮಾಹಿತಿ ನೀಡಿದರು. ಪುರಸಭೆ ಕಂದಾಯ ನಿರೀಕ್ಷಕ ಪುರುಷೋತ್ತಮ ಇಲಾಖೆ ವಿಚಾರ ತಿಳಿಸಿದರು. ಈ ಸಂದರ್ಭ ಕೈಕಂಬದ ಸಂಚಾರಿ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಅಶ್ವಿನಿ ರೋಗಲಕ್ಷಣ ಹಾಗೂ ಮುಂಜಾಗರೂಕತೆ ಕುರಿತು ತಿಳಿಸಿದರು. ಸಭೆಯಲ್ಲಿ ಆಶಾ ಕಾರ್ಯಕರ್ತೆ ಶ್ವೇತಾ, ಅಂಗನವಾಡಿ ಕಾರ್ಯಕರ್ತೆ ನೇತ್ರಾ, ಪೊಲೀಸ್ ಸಿಬ್ಬಂದಿ ಬಸವರಾಜ್, ಪ್ರಮುಖರಾದ ಪುರಸಭೆ ಮಾಜಿ ಉಪಾಧ್ಯಕ್ಷ ಇಕ್ಬಾಲ್ ಐಎಂಆರ್, ಮುಬಾರಕ್, ಆಲೀಮ್ ಗೂಡಿನಬಳಿ, ನಿಶರ್ ಅಹಮದ್, ರಝಾಕ್ ಟಿ, ಫಾರೂಕ್ ಎಂ.ಕೆ, ಅನ್ಸಾರ್ ಎಂ.ಕೆ. ಮೊದಲಾದವರು ಉಪಸ್ಥಿತರಿದ್ದರು.