ಬಂಟ್ವಾಳ ಕ್ಷೇತ್ರದಲ್ಲಿ ಗ್ರಾಪಂ ಚುನಾವಣೆಯಲ್ಲಿ ಪಕ್ಷ ಬೆಂಬಲಿತರ ಮೇಲುಗೈ: ಬಂಟ್ವಾಳ ಬಿಜೆಪಿ

ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಬಂಟ್ವಾಳ ವಿಧಾನಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಬಿಜೆಪಿ ಬೆಂಬಲಿತರು ಮೇಲುಗೈ ಸಾಧಿಸಿದ್ದಾರೆ ಎಂದು ಬಂಟ್ವಾಳ ಬಿಜೆಪಿ ಹೇಳಿದೆ. 2015ರ ಚುನಾವಣೆಗಿಂತ ಈ ಬಾರಿ ಚುನಾವಣೆಯಲ್ಲಿ ಸ್ಥಾನವೃದ್ಧಿಯೂ ಆಗಿದೆ ಎಂದು ಹೇಳಿದೆ. ಪಕ್ಷದ ಲೆಕ್ಕಾಚಾರದ ಪ್ರಕಾರ 2015ರ ಫಲಿತಾಂಶ ಮತ್ತು 2020ರ ಫಲಿತಾಂಶದ ವಿವರ ಹೀಗಿದೆ. 2015 ರ ಚುನಾವಣೆ : ಒಟ್ಟು ಸ್ಥಾನ  570, ಬಿಜೆಪಿ ಬೆಂಬಲಿತ 281, ಕಾಂಗ್ರೆಸ್ ಬೆಂಬಲಿತ 274, ಎಸ್ ಡಿಪಿಐ 7, ಸಿಪಿಐ 3, ಇತರ 5 ಸ್ಥಾನ ಗಳಿಸಿದ್ದವು. ಈ ಬಾರಿ 2020 ರ ಚುನಾವಣೆ: ಬಿಜೆಪಿ ಬೆಂಬಲಿತ 318, ಕಾಂಗ್ರೆಸ್ ಬೆಂಬಲಿತ 216, ಎಸ್ ಡಿಪಿಐ 25, ಸಿಪಿಐ 3, ಇತರ 8 ಸ್ಥಾನ ಗಳಿಸಿರುವುದಾಗಿ ಅದು ಹೇಳಿದೆ.