ಬಂಟ್ವಾಳ: ಬಂಟ್ವಾಳ ಮಿನಿ ವಿಧಾನಸೌಧದಲ್ಲಿ ಸಕಾಲ ಸಪ್ತಾಹ ಆರಂಭಗೊಂಡಿದೆ. ಡಿಸೆಂಬರ್ 5ರವರೆಗೆ ಈ ಕಾರ್ಯಕ್ರಮ ಇರಲಿದೆ. ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆ ಇ-ಆಡಳಿತದನ್ವಯ ನಾಗರಿಕರಿಗೆ ಸೇವೆ ಪಡೆದುಕೊಳ್ಳಲು ತಮ್ಮ ಹಕ್ಕುಗಳನ್ನು ಚಲಾಯಿಸುವ ಅಧಿಕಾರವುಳ್ಳ ಸಕಾಲ ಯೋಜನೆಯಡಿ 98 ಇಲಾಖೆಗಳು ಬರುತ್ತವೆ. ಈ ಹಿನ್ನೆಲೆಯಲ್ಲಿ ಬಂಟ್ವಾಳ ಮಿನಿ ವಿಧಾನಸೌಧ, ನಾಡಕಚೇರಿ ಪಾಣೆಮಂಗಳೂರು ಮತ್ತು ನಾಡಕಚೇರಿ ವಿಟ್ಲ ಸಹಯೋಗದಲ್ಲಿ ಸಕಾಲ ಸಹ್ತಾಹ ನಡೆಯುತ್ತಿದೆ. ಇದರನ್ವಯ ಕಚೇರಿಯ ಆವರಣದಲ್ಲಿ ಕೇಂದ್ರವನ್ನು ಸ್ಥಾಪಿಸಲಾಗಿದ್ದು, ಸಾರ್ವಜನಿಕರಿಂದ ಅರ್ಜಿ ಸ್ವೀಕಾರ ಕಾರ್ಯ ನಡೆಯಿತು.