ರಾಜ್ಯದಲ್ಲಿ ಒಟ್ಟು 8697 ಕೊರೊನಾ ಪಾಸಿಟಿವ್ ಪ್ರಕರಣಗಳು ದಾಖಲಾಗಿದ್ದು, ಅವುಗಳ ಪೈಕಿ 3170 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 5391 ಮಂದಿ ಗುಣಮುಖರಾಗಿದ್ದಾರೆ. ಇಂದು 416 ಹೊಸ ಕೇಸ್ ಬಂದರೆ, 181 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೆ ಒಟ್ಟು 132 ಮಂದಿ ರಾಜ್ಯದಲ್ಲಿ ಕೊರೊನಾ ಸೋಂಕಿತರಾಗಿ ಸಾವನ್ನಪ್ಪಿದ್ದರೆ, ಇಂದು 9 ಮಂದಿ ಮೃತಪಟ್ಟಿದ್ದಾರೆ. ಇಂದು ಕಂಡುಬಂದ ಪ್ರಕರಗಳಲ್ಲಿ ಎಮದಿನಂತೆಯೇ 22 ಅಂತಾರಾಷ್ಟ್ರೀಯ ಮತ್ತು 116 ಅಂತಾರಾಜ್ಯದವರು. ಇಂದು ರಾಜ್ಯದಲ್ಲಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಕೊರೊನಾ ಪಾಸಿಟಿವ್ ಪ್ರಕರಣಗಳ ಸಂಖ್ಯೆ 74.
ಒಟ್ಟು ಸಕ್ರಿಯ ಪ್ರಕರಣಗಳ ಪೈಕಿ ಬೆಂಗಳೂರು ನಗರ 621, ಕಲಬುರ್ಗಿ 461, ಉಡುಪಿ 108 ಸೇರಿದೆ. ಇಂದು ದಕ್ಷಿಣ ಕನ್ನಡ ಜಿಲ್ಲೆಯ ನಾಲ್ಕು ಮಂದಿಗೆ ಸೋಂಕು ತಗಲಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 418ಕ್ಕೇರಿದೆ. ಅದೇ ಸಮಯದಲ್ಲಿ ನಾಲ್ವರು ಗುಣಮುಖರಾಗಿದ್ದು, ಒಟ್ಟು 201 ಮಂದಿ ಗುಣಮುಖರಾಗಿದ್ದಾರೆ. ಬೆಂಗಳೂರು ನಗರದ 46 ವರ್ಷದ ಪುರುಷ, ದಾವಣಗೆರೆಯ 90ರ ವೃದ್ಧ, ಚಿಕ್ಕಮಗಳೂರಿನ 72ರ ವೃದ್ಧೆ, ಉಡುಪಿ ಜಿಲ್ಲೆಯ 54ರ ಪುರುಷ, ಬೀದರ್ ನ 51 ವರ್ಷದ ಮಹಿಳೆ, 65ರ ಪುರುಷ, ಬೆಂಗಳೂರು ನಗರದ 56 ವರ್ಷ, 39 ವರ್ಷದ ಪುರುಷರು ಸಾವನ್ನಪ್ಪಿದ್ದಾರೆ.