ಮಿನಿ ವಿಧಾನಸೌಧದಲ್ಲಿ ಕೈಕೊಟ್ಟ ಲಿಫ್ಟ್: ಅರ್ಧ ಗಂಟೆ ಒಳಗೇ ಬಾಕಿಯಾದ ಸಿಬ್ಬಂದಿ

ಬಂಟ್ವಾಳ: ಬಂಟ್ವಾಳ ಮಿನಿ ವಿಧಾನಸೌಧದಲ್ಲಿ ಲಿಫ್ಟ್ ಕೈಕೊಟ್ಟು, ಅದರೊಳಗಿದ್ದ ಸರ್ವೆ ಇಲಾಖೆಯ ಮಹಿಳಾ ಸಿಬ್ಬಂದಿಯೋರ್ವರು ಸುಮಾರು ಅರ್ಧ ಗಂಟೆ ಬಾಕಿಯಾದ ಪ್ರಸಂಗ ಮಂಗಳವಾರ ಬೆಳಗ್ಗೆ ನಡೆಯಿತು.

ಜಾಹೀರಾತು

ವಯಸ್ಸಾದವರು, ಅಶಕ್ತರಿಗೆಂದು ನಿರ್ಮಿಸಲಾದ ಮಿನಿ ವಿಧಾನಸೌಧದ ಲಿಫ್ಟ್ ನಲ್ಲಿ ನಿರ್ವಹಣಾ ಸಿಬ್ಬಂದಿ ಇಲ್ಲ. ಆದರೆ ಎರಡು ಮಹಡಿಗೆ ತೆರಳುವ ಈ ಲಿಫ್ಟ್ ಆಗಾಗ ವಿದ್ಯುತ್ ಪೂರೈಕೆ ಇಲ್ಲದೆ ಕೈಕೊಟ್ಟು ಸುದ್ದಿಯಾಗುತ್ತಿತ್ತು. ಆದರೆ ವರ್ಷದಿಂದೀಚೆಗೆ ಆ ಸಮಸ್ಯೆ ಇರಲಿಲ್ಲ. ಮಂಗಳವಾರ ಜನರೇಟರ್ ಚಾಲೂ ಇತ್ತು. ಎಂದಿನಂತೆ ಮಹಿಳಾ ಸಿಬ್ಬಂದಿ ಲಿಫ್ಟ್ ಒಳಗೆ ಹೋದಾಗ ಲಿಫ್ಟ್ ಬಂದ್ ಆಯಿತು. ಮುಂದೇನು ಮಾಡುವುದು ಎಂದು ತಿಳಿಯದೆ ಗಲಿಬಿಲಿಗೊಂಡ ಮಹಿಳೆ, ಸಹೋದ್ಯೋಗಿಗಳ ನೆರವು ಯಾಚಿಸಿದರು. ಅಷ್ಟರಾಗಲೇ ಸ್ಥಳದಲ್ಲಿ ಜಮಾಯಿಸಿದ ಸಾರ್ವಜನಿಕರು ಲಿಫ್ಟ್ ತೆರೆಯಲು ಶತಪ್ರಯತ್ನ ನಡೆಸಿದ ಪ್ರಸಂಗವೂ ನಡೆಯಿತು. ಕೊನೆಗೆ ಲಿಫ್ಟ್ ತೆರೆದು ಸಿಬ್ಬಂದಿ ಹೊರಬಂದರು.

ಜಾಹೀರಾತು

Harish Mambady

2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಮೊದಲ ವೆಬ್ ಪತ್ರಿಕೆ. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಒಂಭತ್ತನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. --- ಹರೀಶ ಮಾಂಬಾಡಿ, ಸಂಪಾದಕ NOTE: : All opinions regarding the articles published in bantwalnews and the related topic are those of the author, and this has no relation to BantwalNews. Recommendations and suggestions provided here are left for the readers' consideration.