ಮಂಗಳೂರು: ಹೊಸ ತಲೆಮಾರಿನ ಪ್ರತಿಭಾವಂತ ಮತ್ತು ಪ್ರಯೋಗಶೀಲ ನೃತ್ಯ ಕಲಾವಿದೆಯೆಂದು ಹೆಸರಾಗಿರುವ ವಿದುಷಿ ಅಯನಾ ಪೆರ್ಲ ಅವರ ವಿಶೇಷ ಭರತನಾಟ್ಯ ಪ್ರದರ್ಶನ ’ಮಾರ್ಗಮ್ ಹೆಸರಿನಲ್ಲಿ ಮಂಗಳೂರು ಪುರಭವನದಲ್ಲಿ ಇದೇ 21 ರ ಶನಿವಾರದಂದು ಸಂಜೆ 6 ಗಂಟೆಗೆ ಆಯೋಜನೆಗೊಂಡಿದೆ.
ನಾಡಿನ ಹಲವು ಪ್ರತಿಷ್ಠಿತ ವೇದಿಕೆಗಳಲ್ಲಿ ಭರತನಾಟ್ಯ ಪ್ರದರ್ಶಿಸಿರುವ ವಿದುಷಿ ಅಯನಾ ಪೆರ್ಲ ಮಂಗಳೂರಿನಲ್ಲಿ ವರ್ಷಕ್ಕೊಮ್ಮೆ ವಿಶೇಷ ಪ್ರದರ್ಶನ ನೀಡುತ್ತ ಬಂದಿದ್ದಾರೆ. ಮಾರ್ಗಮ್ ಎಂಬ ಹೆಸರಿನ ಶುದ್ಧ ಪಾರಂಪರಿಕ ಶೈಲಿಯ ಭರತನಾಟ್ಯ ಪ್ರದರ್ಶನ ಇದಾಗಿದ್ದು, ನಗರದ ಭೂಮಿಗೀತ ಸಾಹಿತ್ಯಿಕ – ಸಾಂಸ್ಕೃತಿಕ ಸಂಸ್ಥೆ ಈ ಕಾರ್ಯಕ್ರಮವನ್ನು ಏರ್ಪಡಿಸಿದೆ.
ಪಕ್ಕವಾದ್ಯದಲ್ಲಿ ಅಯನಾ ಅವರ ನೃತ್ಯಗುರು ವಿದುಷಿ ಶಾರದಾಮಣಿ ನಟುವಾಂಗದಲ್ಲಿ ಸಹಕರಿಸಲಿರುವರು. ಹಾಡುಗಾರಿಕೆಯಲ್ಲಿ ರಜನಿ ಚಿಪ್ಳೂಣ್ ಕರ್, ಮೃದಂಗದಲ್ಲಿ ವಿದ್ವಾನ್ ರಾಜನ್ ಪಯ್ಯನ್ನೂರ್ ಮತ್ತು ವೀಣೆಯಲ್ಲಿ ಪವನ ಬಿ. ಆಚಾರ್ ಪಕ್ಕವಾದ್ಯ ಸಹಕಾರ ನೀಡುವರು.
www.bantwalnews.com ಸಂಪಾದಕ: HARISH MAMBADY